ឯកឧត្តម ឧបនាយករដ្ឋមន្ត្រី យឹម ឆៃលី ប្រធានក្រុមការងារគណបក្ស ចុះមូលដ្ឋានខេត្តកំពង់ចាម អញ្ជើញចូលរួម ពិធីសម្ពោធសមិទ្ធផលស្នាក់ការគណបក្សស្រុកព្រៃឈរ

កំពង់ចាម នៅព្រឹកថ្ងៃអាទិត្យ ទី ៧ ខែ សីហា  ឆ្នាំ ២០២២ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាល -ប្រធានគណៈកម្មាធិការគណបក្សប្រជាជនកម្ពុជា ខេត្តកំពង់ចាម អញ្ជើញចូលរួមក្នុងពិធីសម្ពោធសមិទ្ធផលស្នាក់ការគណបក្សស្រុកព្រៃឈរ  និងផ្សព្វផ្សាយខ្លឹមសារសន្និបាតគណកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា  ជូនថ្នាក់ដឹកនាំ  គណបក្សស្រុកព្រៃឈរ  ក្រោមអធិបតីភាព ដ៏ខ្ពង់ខ្ពស់  ឯកឧត្តម  ឧបនាយករដ្ឋមន្ត្រី  យឹម  ឆៃលី  ប្រធានក្រុមការងារគណបក្ស ចុះមូលដ្ឋានខេត្តកំពង់ចាម។ ពិធីនេះក៏មការ អញ្ជើញ ចូលរួម ពី  ប្រធានក្រុមការងារចុះជួយស្រុក ឃុំទូទាំងស្រុកព្រៃឈរ  រួមនឹង ថ្នាក់ដឹកនាំ  សមាជិក   សមាជិកា បកបក្សចូល ប្រមាណជិត១,០០០ នាក់ នៅទីស្នាក់ការការគណបក្សស្រុកព្រៃឈរ។

បន្ទាប់ពីឯកឧត្តម អ៊ុន ចាន់ដា ប្រធានគណបក្សខេត្ត អញ្ជើញអានខ្លឹមសារ នៃការផ្សព្វផ្សាយលទ្ឋផលសន្និបាតគណកម្មាធិកាកណ្តាលវិសាមញ្ញរបស់គណបក្សប្រជាជនកម្ពុជា  ឯកឧត្ដម   ឧបនាយករដ្ឋមន្ត្រី យឹម ឆៃលី បានថ្លែងអំណរគុណដល់បងប្អូនប្រជាពលរដ្ឋ ដែលបានរក្សាការជឿទុកចិត្ត និងផ្តល់ការគាំទ្រជារៀងរហូតដល់ សម្ដេចតេជោ និងតែងតែបោះឆ្នោតជូនគណបក្សប្រជាជនកម្ពុជា  ឲ្យមានឱកាសបន្ត បំពេញកាតព្វកិច្ចក្នុងការបម្រើប្រជាជន ឲ្យកាន់តែមានជីវភាពសម្បូរសប្បាយ និងដឹកនាំអភិវឌ្ឍឃុំ-សង្កាត់  បន្តទៀតពីឆ្នាំ២០២២ ដល់ឆ្នាំ២០២៧ ។

ឯកឧត្ដម   ឧបនាយករដ្ឋមន្រ្តី ប្រធានក្រុមការងារ បាន ណែនាំ ដល់ មន្ត្រី បក្ស ទាំងអស់   ត្រូវ បើក វេទិកា សាធារណៈ ក្នុង មូលដ្ឋាន របស់ ខ្លួន  ដើម្បី ឲ្យ បាន ដឹង ថា ប្រជាពលរដ្ឋ ខ្វះខាត អ្វី   និងត្រូវ ការ អ្វី  ហើយយើង ត្រូវ ដោះស្រាយ ជូន គាត់ ។ លេីសពី នោះ ត្រូវ បន្តជំរុញ និងពង្រឹងការអនុវត្តគោលនយោបាយភូមិ ឃុំមានសុវត្ថិភាព  គឺ ត្រូវ ខិតខំលើកកម្ពស់អភិបាលកិច្ច ធានាការផ្តល់សេវាសាធារណៈប្រកបដោយតម្លាភាព ការទទួលខុសត្រូវខ្ពស់ និងឆាប់រហ័សជូនប្រជាពលរដ្ឋ ជាពិសេស ត្រូវ ពង្រឹងយុត្តិធម៌ និងសមធម៌សង្គម ដោយអនុវត្ត ឲ្យបានម៉ឺងម៉ាត់នូវអភិក្រម “ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់” ។  ហើយ ត្រូវដោះស្រាយវិវាទនៅមូលដ្ឋានក្រៅប្រព័ន្ធតុលាការ ប្រកបដោយគុណភាព និងប្រសិទ្ធភាព  ។

ជាមួយគ្នា នោះ  ឯកឧត្តម ឧបនាយករដ្ឋមន្ត្រី យឹម ឆៃលី  ក៏បានណែនាំដល់ថ្នាក់ដឹកនាំគណបក្សឃុំ និងបក្សភូមិ ត្រូវមានឆន្ទៈស្មោះត្រង់  និងទទួលខុសត្រូវខ្ពស់លើ ការទទួលខុសត្រូវរបស់ខ្លួន ក្នុងគោលដៅលើកកម្ពស់ជីវភាពរស់នៅរបស់ប្រជា ពលរដ្ឋ  ព្រមទាំងរៀបចំវិធានការ ស្វ័យតាមដានការងាររបស់ខ្លួន។  ហើយត្រូវចាត់វិធានការឲ្យមានប្រសិទ្ធភាព លើការលុបបំបាត់ភាពអសកម្មនានា ឲ្យដូចភ្លៀងរលឹម។ លើសពី នោះ ត្រូវបន្តថែរក្សាសមិទ្ធផលនានារបស់រាជរដ្ឋាភិបាល ដែលមាននៅក្នុងមូលដ្ឋាន និងលើកទឹកចិត្ត ពង្រឹងពង្រីកការចូលរួមរបស់ប្រជា ពលរដ្ឋ  ក្នុងការថែទាំសមិទ្ធផលនោះ ផងដែរ  ៕