Antony ជិតក្លាយជាកីឡាកររបស់ Manchester United ផ្លូវការហើយ !

ក្លឹប Manchester United បានយល់ព្រមកិច្ចព្រមព្រៀងជាមួយ Ajax ហើយលើខ្សែបម្រើប្រយុទ្ធ Antony ។
គេត្រូវបានដឹងថា Man United នឹងចំណាយ៨០លានផោនទៅកាន់ Ajax ដើម្បីនាំយក Antony មកកាន់ទឹកដី Old Trafford ។ កីឡាករវ័យ២២ឆ្នាំបានមកដល់ទីក្រុង Manchester ដើម្បីធ្វើការពិនិត្យសុខភាព ។
ប្រសិនគ្រប់យ៉ាងជោគជ័យ កីឡាករសញ្ជាតិប្រេស៊ីលខាងលើនឹងក្លាយជាកីឡាករលំដាប់ទីពីររបស់ United មានតម្លៃខ្លួនខ្ពស់ជាងគេជាមួយ Harry Maguire ខណៈ Paul Pogba បន្តជាកីឡាករមានថ្លៃខ្លួនខ្ពស់ជាងគេរបស់ក្លិប៨៩លានផោន។
Antony រកបាន២៥គ្រាប់ និង Assist ២២គ្រាប់ក្នុងការបង្ហាញខ្លួន៨២ប្រកួតឲ្យ Ajax ក្រោយផ្ទេរពីក្លឹបនៅប្រេស៊ីល Sao Paulo កាលពីឆ្នាំ២០២០ ដោយកាលនោះលោក Erik ten Hag ជាអ្នកទិញមក ៕