តោខៀវភ្លាត់ចាញ់ Dinamo ខណៈមេឃខៀវ Man City លត់ Sevilla ៤ទល់០!

ក្រុមជើងឯកក្រូអាត Dinamo Zagreb ឈ្នះតែ៥ដងប៉ុណ្ណោះក្នុងការប្រកួត៤៣លើកនៅ UEFA Champions League ប៉ុន្តែពួកគេបាននាំំមុខតោខៀវ តាំងពីនាទីទី១៣ ដោយ Mislav Orsic ក៏ជាគ្រាប់ជ័យជម្នះតែម្ដង។
ខ្សែប្រយុទ្ធថ្មីរបស់តោខៀវ Aubameyang ដែលទើបផ្ទេរពី FC Barcelona ព្យាយាមរកគ្រាប់បាល់មកវិញជាច្រើនដង តែមិនបានសម្រេច រហូតដល់ចប់ការប្រកួត Dinamo Zagreb បានយកឈ្នះ Chelsea ១ទល់០ ។
ដោយឡែក Manchester City យកឈ្នះ Sevilla ៤-០ ខណៈ Haaland រកបាន២គ្រាប់ម្នាក់ឯងជួយ ក្នុងការប្រកួតបើកឆាកពានរង្វាន់ Champions League កាលពីយប់មិញ និង ២គ្រាប់ផ្សេងទៀតរបស់ក្រុមលោក Pep Guadiola រកបានដោយ Phil Foden និង Ruben Dias ៕