លោក Unai Emery ត្រូវបានតែងតាំងជាអ្នកចាត់ការ Aston Villa

លោក Unai Emery ត្រូវបានតែងតាំងជាអ្នកចាត់ការ Aston Villa

ក្លិប Aston Villa បានតែងតាំងលោក Unai Emery ជាអ្នកចាត់ការទូទៅថ្មី បន្តពីលោក Steven Gerrard ដែលបានចាកចេញកាលពីពេលថ្មីៗនេះ។

លោក Emery អតីតគ្រូបង្វិក Arsenal ដែលបានដឹកនាំក្លិបអេស្ប៉ាញ Villarreal នឹងចូលកាន់តំណែងនៅ Aston Villa នៅថ្ងៃទី 1 ខែវិច្ឆិកា។ Villa បានបង់ថ្លៃផ្ដាច់កុងត្រា 5.2 លានផោនទៅឱ្យ Villarreal សម្រាប់អ្នកចាត់ការវ័យ 50 ឆ្នាំ។

លោក Aaron Danks នឹងបន្តដឹកនាំបណ្ដោះអាសន្នក្នុងការប្រកួតទល់នឹង Newcastle នៅចុងសប្តាហ៍នេះ បន្ទាប់ពី Villa បានយកឈ្នះ Brentford ក្នុងលទ្ធផល 4-0 កាលីប្រកួតចុងក្រោយនៃក្របខណ្ឌ Premier League ។

លោក Emery ដែលនឹងត្រូវផុតកុងត្រានៅ Villarreal នៅឆ្នាំក្រោយ នឹងចាប់ផ្តើមការងារនៅសប្តាហ៍ក្រោយ បន្ទាប់ពីបែបបទលិខិតអនុញ្ញាតការងាររបស់គាត់ ត្រូវបានបញ្ចប់។

Emery បានចូលរួមជាមួយ Villarreal ក្នុងឆ្នាំ 2020 ហើយបានដឹកនាំពួកគេឱ្យទទួលបានជោគជ័យដែលបានឈ្នះពានរង្វាន់ Europa League ក្នុងរដូវកាល 2020-21 ដោយបានយកឈ្នះ Manchester United នៅវគ្គផ្តាច់ព្រ័ត្រ។

ក្លិបអេស្ប៉ាញ ក៏បានឈានដល់វគ្គពាក់កណ្តាលផ្តាច់ព្រ័ត្រ Champions League កាលពីឆ្នាំមុន ក្រោមការដឹកនាំរបស់លោក Emery ដោយចាញ់ក្រុម Liverpool 5-2 សរុបទាំងពីរជើង។
ក្លិប Aston Villa ក៏បានជួបពិភាក្សាជាមួយតំណាងរបស់គ្រូបង្វឹក Sporting Lisbon លោក Ruben Amorin ផងដែរ៕