Barcelona ធ្លាក់ទៅលេងនៅ Europa League ២រដូវកាលជាប់គ្នាហើយ

ដោយ ៖ ចម្រៀងមរតកតេជោ ចេញផ្សាយ ថ្ងៃទី27 ខែតុលា ឆ្នាំ2022

ក្រុមអ្នកមានបុណ្យ FC Barcelona បានធ្លាក់ទៅលេងនៅពានរង្វាន់ UEFA Europa League ហើយ ក្រោយពួកគេលេងចាញ់ក្រុម Bayern Munich ក្នុងលទ្ធផល ៣-០ នៅយប់មិញនេះ។

ការពិតទៅ មុនប៉ះជាមួយ Bayern Munich នេះដែរ ក្រុម Barcelona ក៏ស្ថិតនៅក្បែរតំបន់ធ្លាក់ទៅលេងនៅ Europa League ដែរ ព្រោះប្រសិនបើ Inter Milan ឈ្នះ Plzen នោះពួកគេនឹងធ្លាក់ដោយស្វ័យប្រវត្តិទៅហើយ ខណៈ Inter Milan បានឆក់យកតំណែងលេខ២ក្នុងពូល ដោយយកឈ្នះលើក្រុម Plzen ៤ទល់០ ឯណោះ។

ក្រុមរបស់លោក Xavi លេងទល់ Bayern Munich ធ្វើមិនបានល្អនោះទេ ពោលគឺចាញ់ក្នុងលទ្ធផល ៣ទល់០ ក្នុងទឹកដី Camp Nou ។ ក្រោយចាញ់យប់មិញនេះ ក្រុម Barcelona ទទួលបានកៅអី Europa League ហើយ ដោយមិនចាំបាច់អ៊ុត១ប្រកួតចុងក្រោយទៀតទេ ព្រោះពេលនេះ Barca មានតែ៤ពិន្ទុប៉ុណ្ណោះ និងក្រុម Plzen មាន០ពិន្ទុ។ នេះជាការធ្លាក់ទៅលេងនៅក្របខណ្ឌលំដាប់ទី២ ពីរដងជាប់គ្នាហើយរបស់ក្រុមអ្នកមានបុណ្យ ៕