វគ្គ១/៤ ផ្ដាច់ព្រ័ត្រពានសម្ដេចហ៊ុនសែនជើងទី២ លេងថ្ងៃស្អែកនេះ !

ការប្រកួតបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន រដូវកាល២០២២ ឈានដល់វគ្គ៨ក្រុមចុងក្រោយហើយដោយជើងទី២នឹងធ្វើការប្រកួតថ្ងៃស្អែកនេះហើយ ដើម្បីរកបេក្ខភាពឡើងទៅវគ្គពាក់កណ្ដាលផ្ដាច់ព្រ័ត្រ ។
សម្រាប់ការប្រកួតជើងទី១វគ្គ៨ក្រុមចុងក្រោយពានសម្ដេចហ៊ុនសែនឆ្នាំ២០២២សប្ដាហ៍កន្លងទៅនេះ ពិតជាស្វិតស្វាយណាស់ដោយ ក្រុមភ្នំពេញក្រោនបានត្រឹមស្មើរ ០ទល់០ ជាមួយក្រុមណាហ្គាវើលដ៍, ក្រុមអគ្គិសនីកម្ពុជា ពិតជាធ្វើបានល្អដោយស្មើរជាមួយព្រះខ័នរាជស្វាយរៀងដោយលទ្ធផល ១ទល់១, ក្រុមវិសាខាបានឈ្នះក្រុមម្ចាស់ផ្ទះ កងយោធពលខេមរភូមិន្ទ ដោយលទ្ធផល ៣ទល់១ រីឯ បឹងកេត បានឈ្នះក្រុមម្ចាស់ផ្ទះ កោះកុង អេហ្វស៊ី ដោយលទ្ធផល ២ទល់០ ។
សម្រាប់ការប្រកួតជើងទី២វគ្គ៨ក្រុមចុងក្រោយស្អែកនេះ ក្រុមព្រះខ័នរាជស្វាយរៀង នឹងស្វាគមន៍ ក្រុមអគ្គិសនីកម្ពុជា ម៉ោង៦៖៣០រសៀល នាកីឡដ្ឋានខេត្តស្វាយរៀង, ក្រុមណាហ្គាវើលដ៍ ទទួលក្រុមភ្នំពេញក្រោន ម៉ោង៦៖៣០ល្ងាច នាកីឡដ្ឋាន ខេមរភូមិន្ទ, ក្រុមវិសាខា ត្រូវបើកទ្វារផ្ទះកីឡដ្ឋាន ព្រីនស៍ទទួល ក្រុមកងយោធពលខេមរភូមិន្ទ ម៉ោង៦៖៣០ល្ងាច រីឯ បឹងកេត ទទួលភ្ញៀវមកពីដែនដីសមុទ្រ កោះកុង អេហ្វស៊ី ម៉ោង៣៖៣០រសៀល នៅកីឡដ្ឋាន ខេមបូឌាអ៊ែរវេរ ៕