កម្ពុជាស្ថិតក្នុងពូល A ជាមួយ ថៃក្នុងពាន MITSUBISHI ELECTRIC CUP 2022!
ការចាប់ពូលជាផ្លូវការសម្រាប់ការប្រកួតបាល់ទាត់ដ៏ធំបំផុតប្រចាំឧបទ្វីបអាស៊ីអាគ្នេយ៍ AFF Cup 2022/2023 ត្រូវបានធ្វើឡើងរួចរាល់ហើយកាលពីថ្ងៃអង្គារ ម្សិលមិញនេះ។
ក្រុមការពារតំណែងជើងឯកថៃ នឹងត្រូវជួបជាមួយក្រុមជើងឯករង ឥណ្ឌូនេស៊ី ឆ្នាំ២០២០ ក្នុងពូល A ដែលក្នុងនោះក៏មានហ្វីលីពីន និងកម្ពុជា បូករួមទាំងក្រុមឈ្នះវគ្គ play-off រវាងប្រ៊ុយណេ និងទីម័រខាងកើត។
តាមពិតទៅថៃ និងឥណ្ឌូនេស៊ី បានជួបគ្នាចុងក្រោយក្នុងវគ្គផ្តាច់ព្រ័ត្រ២០២០កាលចុងឆ្នាំ២០២១ ។
ម្ចាស់ជើងឯក ២០១៨ វៀតណាម, ម្ចាស់ជើងឯក២០១០ ម៉ាឡេស៊ី, ជើងឯកបួនសម័យកាលសិង្ហបុរី, មីយ៉ាន់ម៉ា និងឡាវក្នុងពូល B។
ពានរង្វាន់ AFF Mitsubishi Electric Cup 2022 នឹងធ្វើតាមរូបមន្តប្រកួតក្នុងដីនិងក្រៅដីដូចឆ្នាំ 2018 ។ ក្រុមទាំង 10 នឹងត្រូវបែងចែកជាពីរពូលក្នុងមួយពូលមាន៥ ក្រុម ហើយលេងវិលជុំ ដោយក្រុមនីមួយៗលេងពីរប្រកួតក្នុងផ្ទះ និងក្រៅដីពីរប្រកួត។
សម្រាប់កាលកាលបរិច្ឆេទពានរង្វាន់ Mitsubishi Electric Cup ២០២២ចាប់ផ្ដើមពី ថ្ងៃទី ២០ ខែធ្នូ ឆ្នាំ 2022 ដល់ ថ្ងៃទី ១៦ ខែមករា ឆ្នាំ 2023 ៕
