អគ្គីសនីកម្ពុជា បឹងកេត វិសាខា និងភ្នំពេញក្រោន ឡើងវគ្គពាក់កណ្ដាលផ្ដាច់ព្រ័ត្រ Hun Sen Cup !
ពានរង្វាន់បាល់ទាត់សម្តេចអគ្គមហាសេនាបតីតេជោ ហ៊ុន សែន លើកទី១៦ជើងឯកថ្នាក់ជាតិ បានរកឃើញក្រុមខ្លាំងឡើងដល់វគ្គ ពាក់កណ្តាលផ្ដាច់ព្រ័ត្រហើយ ដោយក្នុងនោះមាន ក្រុម បឹងកេត វិសាខា អគ្គីសនីកម្ពុជា និងភ្នំពេញក្រោន។
សម្រាប់លទ្ធផលវគ្គ៨ក្រុមចុងក្រោយមាន៖ អគ្គិសនីកម្ពុជាយកឈ្នះ ព្រះខ័នរាជស្វាយរៀង ដោយលទ្ធផលសរុបទាំងពីរជើង ៤ទល់២ ។ វិសាខាបានឈ្នះ Tiffy Army ដោយលទ្ធផលសរុបទាំងពីរជើង ៦ទល់១ រីឯ ភ្នំពេញក្រោនបានទម្លាក់ណាហ្គាវើលដ៍ដោយបាល់ ប៉េណាំងទី៤-៣ ក្រោយចប់ការប្រកួតទាំងពីរជើងលទ្ធផល ០ទល់០ និងក្រុម បឹងកេត បានឈ្នះ កោះកុង ដោយលទ្ធផលសរុបទាំងពីរជើង ៥ទល់៣ ។
កម្មវិធីប្រកួតវគ្គពាក់កណ្ដាលផ្ដាច់ព្រ័ត្រ ជើងទី១ នៅថ្ងៃទី៥ ខែតុលា និងជើងទី២ថ្ងៃទី១២ ខែតុលាដោយ អគ្គិសនីកម្ពុជា ជួប បឹងកេតអេហ្វស៊ី និងភ្នំពេញក្រោនជួបវិសាខា ៕
