Man United បញ្ចប់កំណត់ត្រាមិនចាញ់សោះរបស់ Arsenal!

ក្រុមបិសាចក្រហម Manchester United ក្រោមការដឹកនាំរបស់លោក Erik ten Hag បានបញ្ចប់កំណត់ត្រាមិនចាញ់សោះរបស់ Arsenal ក្នុងលទ្ធផល ៣-១ នៅក្របខណ្ឌ English Premier League រដូវកាល ២០២២/២៣ សប្តាហ៍ទី៦ នៅទឹកដី Old Trafford កាលពីយប់មិញនេះ។
ជ័យជម្នះ ៣ទល់១ របស់ក្រុម Man United លើក្រុមកាំភ្លើងធំ Arsenal រកគ្រាប់បាល់បានដោយកីឡាករចំណូលថ្មី Antony នៅនាទីទី៣៥ និង Marcus Rashford ២គ្រាប់ម្នាក់ឯង នាទីទី៦៦ និង៧៥ ខណៈមួយគ្រាប់របស់ Arsenal រកបានដោយ Bokayo Saka នៅនាទីទី៦០ ។
គិតត្រឹមសប្ដាហ៍ទី៦នេះ កាំភ្លើងធំ Arsenal របស់លោក Mikel Arteta ក៏នៅតែបន្តឈរកំពូលតារាងដដែលពោលគឺឆ្លងកាត់៦ប្រកួត ឈ្នះ៥ប្រកួត និងចាញ់១ មាន១៥ពិន្ទុ ខណ: Man United ស្ថិតនៅលេខ៥ ពីការលេង ៦ប្រកួត ឈ្នះ៤ និងចាញ់២ មាន១២ពិន្ទុ៕