Thierry Henry ប្រាប់មួយចំណុចដែលគាត់ជ្រើសរើយក Mbappe ជាជាង Haaland

ខ្សែប្រយុទ្ធវ័យក្មេង Kylian Mbappe និង Earling Haaland សុទ្ធតែធ្វើបានល្អដូចគ្នា ដោយរកបានម្នាក់២គ្រាប់ក្នុងបើកឆាកពានរង្វាន់ UEFA Champions League ។

ដោយ Mbappe រកបាន២គ្រាប់ជួយក្រុម PSG យកឈ្នះលើក្រុម Juventus ក្នុងលទ្ធផល ២ទល់១ ស្របពេល Haaland វិញរកបាន២គ្រាប់ដែរ ជួយក្រុម Man City យកឈ្នះលើក្រុម Sevilla ក្នុងលទ្ធផល ៤ទល់០ ឯណោះ។ ការធ្វើបានល្អដូចគ្នានេះហើយ បានធ្វើឱ្យអ្នកវិភាគជាច្រើនលើកឈ្មោះខ្សែប្រយុទ្ធ២នាក់ខាងលើមកវែកញ៉ែក និងអនាគតក្លាយជាអ្នកស្នងតំណែង Cristiano Ronaldo និង Lionel Messi ហើយ។

តាមប្រភព Dailymail បានឲ្យដឹងថាវីរបុរសបារាំង Thierry Henry បានជ្រើសរើសយក Mbappe ជាជាងយក Haaland ស្ថិតក្រោមហេតុផល៖ “Mbappe ជាខ្សែប្រយុទ្ធដែលអាចបង្កើតឱកាសបានផង និងបញ្ចប់ទីបានច្បាស់ផង។ Haaland មិនអាចបង្កើតឱកាសបានទេ គាត់ជាអ្នកបញ្ចប់ទីពេញលេញតែម្ដង។ Mbappe អាចលេងបានទាំងឆ្វេង ស្ដាំ និងកណ្ដាល ចំណែកឯ Haaland អាចលេងបានតែកណ្ដាលប៉ុណ្ណោះ”៕