Premier League ត្រឡប់មកវិញសប្តាហ៍នេះ ខណៈ៣គូត្រូវលើកពេល!

Premier League បានធ្វើការប្រកាសជាផ្លូវការ ការប្រកួតទាំងអស់នឹងចាប់ផ្ដើមឡើងវិញជាធម្មតាចាប់ពីសប្ដាហ៍នេះតទៅ លើកលែងតែប្រកួត៣គូនេះប៉ុណ្ណោះ ។
ប្រកួតទាំង៣គូដែលបន្តផ្អាកនោះមានដូចជា ការប្រកួតរវាង Chelsea និង Liverpool ការប្រកួតរវាង Manchester United និង Leed United ដែលគ្រោងនឹងធ្វើនៅថ្ងៃអាទិត្យនេះ ព្រមទាំងការប្រកួតរវាង Brighton និង Crystal Palace ដែលគ្រោងធ្វើនៅថ្ងៃសៅរ៍នេះ។
មូលហេតុនៃការលើកពេលការប្រកួតទាំង៣ខាងលើនេះព្រោះ កន្លែងប្រកួតទាំង៣នោះគឺជាប់ពាក់ព័ន្ធនឹងកន្លែងព្រះរាជពិធីបុណ្យសពព្រះមហាក្សត្រី Elizabeth II ដែលបានយាង សោយព្រះពិរាល័យម្ចាស់ក្សត្រីយ៍ Elizabeth II កាលពីយប់ថ្ងៃទី០៨ ខែកញ្ញា ឆ្នាំ២០២២ (ម៉ោងកម្ពុជា) នៅក្នុងជន្មាយុ ៩៦ព្រះវស្សា ដែលបានគ្រងរាជ្យសម្បត្តិជាព្រះមហាក្សត្រីអង់គ្លេសអស់រយៈពេល ៧០ឆ្នាំ ។
គួរបញ្ជាក់ផងដែរថាការប្រកួតនៃក្របខណ្ឌ UEFA Champions League នៅយប់ថ្ងៃពុធ Chelsea ទទួល Red Bull Salzburg នៅដំណើរការធម្មតា តែការប្រកួតនៅក្របខណ្ឌ UEFA Europa League នៅយប់ថ្ងៃព្រហស្បតិ៍រវាង Arsenal ទទួល PSV ក៏ត្រូវលើកពេលដែរ ៕