Ancelotti ថានឹងឈប់ធ្វើគ្រូបង្គោល បើ Valverde ស៊ុតចូលក្រោម១០គ្រាប់ក្នុងរដូវកាលនេះ!
ក្រោយឈ្នះប្រកួត UEFA Champions League ទល់នឹងក្លឹប Leipzig នូវលទ្ធផល ២-០ លោក Carlo Ancelotti គ្រូបង្គោលក្លិបស្ដេចស Real Madrid បាននិយាយ ថាលោកសុខចិត្តឈប់ធ្វើគ្រូបង្គោលបើខ្សែបម្រើ Fede Valverde ស៊ុតចូលក្រោម១០គ្រាប់ ក្នុងរដូវកាលនេះ។
លោក Ancelotti បាននិយាយថា៖” ខ្ញុំនឹងប្រាប់ Valverde ថាបើនៅក្នុងរដូវកាលថ្មីនេះគេមិនស៊ុតចូលឲ្យបានយ៉ាងតិច១០គ្រាប់ទេ ខ្ញុំនឹងចោលអជ្ញាប័ណ្ណគ្រូបង្គោលរបស់ខ្ញុំ ហើយចាកចេញពីអាជីពនេះ “។
ទាក់ទងនឹងសមត្ថភាព Valverde លោក Ancelotti និងក្រុមការងារលោក សុទ្ធតែយល់ឃើញថា គេស្ថិតក្នុងចំណោមខ្សែបម្រើដែលល្អបំផុតលើលោកនេះសម្រាប់ពេល និងអនាគតផងដែរ។
នៅក្នុងរដូវកាលនេះ Valverde ចូលលេងឲ្យ Real បាន៨ប្រកួត និងស៊ុតចូល៣គ្រាប់ហើយ ដោយកីឡាករនេះក៏បានចូលរួមស៊ុតចូល១គ្រាប់ក្នុងការប្រកួតជាមួយនឹងក្រុម RB Leipzig ផងដែរ ៕
