Maguire ទទួលបានកៅអីនៅជម្រើសជាតិអង់គ្លេស ទោះមិនសូវបានលេងនៅ Man Utd!
តាមប្រភព Daily mile ថាខ្សែការពារ Harry Maguire ត្រូវបានលោក Gareth Southgate កោះហៅចូលជម្រើសជាតិអង់គ្លេសដើម្បីត្រៀមប្រកួតក្នុងពានរង្វាន់ UEFA Nations League ។
កាលពីពេលថ្មីៗនេះ ក្រុមតោកំណាចអង់គ្លេសបានបង្ហាញបញ្ជីឈ្មោះកីឡាករជម្រើសជាតិដើម្បីត្រៀមប្រមូលផ្ដុំហ្វឹកហាត់ ប្រកួតជាមួយក្រុមអ៊ីតាលី និងអាល្លឺម៉ង់នៅខែនេះ ក្នុងពានរង្វាន់ UEFA Nations League ។ ដោយឡែកក្នុងបញ្ជីឈ្មោះនោះដែរ គេឃើញមានប្រធានក្រុម Maguire ទទួលបានកៅអីដដែល ទោះបីជាគេលេងមិនសូវបានល្អយ៉ាងណាក៏ដោយនារដូវកាលថ្មីនេះ ជាមួយក្រុម Manchester United ។ ផ្ទុយទៅវិញកីឡាករកំពុងឡើងជើង Sancho វិញ មិនត្រូវបានកោះហៅចូលក្រុមនោះទេ។
ការដាក់ឈ្មោះ Maguire ក្នុងបញ្ជីនេះដែរ ត្រូវបានអ្នកគាំទ្របន្ទោសទៅលោក Southgate ជាខ្លាំង ព្រោះពួកគេគិតថាអង់គ្លេសមានកីឡាករល្អៗច្រើនជាងប្រធានក្រុម Man Utd រូបនេះ។ មួយវិញទៀត នៅប៉ុន្មានប្រកួតចុងក្រោយនេះ បិសាចក្រហមក៏មិនបានដាក់គេឱ្យលេងផងដែរ៕
