Barcelona ចាញ់ Inter ១ទល់០ ខណៈ Bayern លត់ក្រុម viktoria plzen ៥ទល់០

ក្រុមអ្នកមានបុណ្យ FC Barcelona បានបរាជ័យក្រោមថ្វីជើងក្រុម Inter Milan ក្នុងលទ្ធផល ១ទល់០ សម្រាប់ការប្រកួតពានរង្វាន់ UEFA Champions League កាលពីយប់មិញ នាកីឡដ្ឋាន San Siro ។

ក្នុងការប្រកួតនៅទឹកដីអ៊ីតាលីនេះដែរ ក្រុមអ្នកមានបុណ្យសម្រុកខ្លាំងទៅលើក្រុមម្ចាស់ផ្ទះដែរ ប៉ុន្តែមិនអាចសម្រេចគ្រាប់បាល់នោះទេ។ ផ្ទុយទៅវិញនៅចុងតង់ទី១ នាទីទី ៤៥ បូក ២ ទៅហើយ ក្រុម Inter Milan ស៊ុតពីចម្ងាយ១គ្រាប់បញ្ចូលទីយ៉ាងស្អាត ជួយឱ្យពួកគេយកបាន៣ពិន្ទុដ៏សំខាន់នេះបាន។ ជាមួយការបាន៣ពិន្ទុបន្ថែមទៀត ផងដែរ។

ខណៈដែលក្រុម Bayern Munich បានយកឈ្នះ viktoria plzen ក្នុងលទ្ធផលដ៏លើសលប់ ៥ទល់០ ដែល៥គ្រាប់នេះរកបានដោយ Sané ២គ្រាប់ នៅនាទីទី ៧’ និង ៥០’ ចំណែក Gnabry, Mané, និង Choupo-Moting សុទ្ធតែសុតម្នាក់១គ្រាប់អោយ Bayern ជាមួយនឹងលទ្ធផលនេះដែរធ្វើអោយ Bayern Munich ឈរលេខ១ក្នុងពូល មាន ៩ពិន្ទុពេញ Inter Milan ឈរនៅលេខ២ មាន ៦ពិន្ទុ លេខ៣ Barcelona មាន ៣ពិន្ទុ និង viktoria plzen លេខ៤ក្នុងពូល ក្រោយ៣ប្រកួត មាន ០ ពិន្ទុ ៕