រុស្ស៊ីប្រកាសថាបានវាយប្រហារលើតំបន់ដែលជាឃ្លាំងស្តុកអាវុធដ៏សំខាន់របស់អ៊ុយក្រែន និង ជាទីតាំងដែលអ៊ុយក្រែងនផ្ទុកអាវុធជាជំនួយពីខាងក្រៅ!

រុស្សីៈ ក្រុមយោធារុស្ស៊ីបានថា ឃ្លាំងផ្ទុកគ្រាប់រំសេវមួយកន្លែងក្នុងប្រទេសអ៊ុយក្រែន ដែលរក្សាទុកមីស៊ីលនិងប្រព័ន្ធគ្រាប់រ៉ុក្កែតកម្រិតខ្ពស់អាចចល័តបានរបស់អាមេរិក ឬ (HIMARS) ដែលប្រើប្រាស់ដោយកងកម្លាំងអ៊ុយក្រែនត្រូវបានបំផ្លាញចោលដោយការវាយប្រហាររបស់រុស្ស៊ីហើយ។ ស្ថិតក្នុងអំឡុងពេលនៃសន្និសីទសារព័ត៌មានប្រចាំថ្ងៃអ្នកនាំពាក្យក្រសួងការពារជាតិរុស្ស៊ី លោក Igor Konashenkov បានអះអាងថា ឃ្លាំងនេះស្ថិតនៅក្នុងតំបន់ Maiorske ក្នុងតំបន់ Odesa ហើយថាវាត្រូវបានវាយប្រហារដោយកាំជ្រួច Kalibr រយៈចម្ងាយឆ្ងាយដែលមានការកំណត់ទិសដៅច្បាស់លាស់។ លោក Konashenkov ក៏បាននិយាយផងដែរថា ទាហានអ៊ុយក្រែនជាងមួយរយនាក់ត្រូវបានសម្លាប់ ហើយរថពាសដែកចំនួន 7 គ្រឿងត្រូវបានបំផ្លាញជាលទ្ធផលនៃការវាយប្រហារនៅក្នុងតំបន់ Mykolaiv និង Kherson ។ លោកបានបន្ថែមថា នៅក្នុងតំបន់ Donetsk មានទាហានអ៊ុយក្រែនជាង30 នាក់ រថក្រោះមួយគ្រឿ និង រថយន្តពិសេសចំនួន៥គ្រឿងត្រូវបានបំផ្លាញដោយយោធារុស្ស៊ី៕