ករណីបំផ្ទុះគ្រាប់បែកនៅអគារផ្ទះល្វែងក្នុងទីក្រុង Chicago ស្ថិតក្នងការស៊ើអង្កេតរបស់ប៉ូលីស និង ស្រាវជ្រាវពីក្រុមមន្រ្តីជំនាញ !
ក្រុមមន្ត្រីបាននិយាយថា មនុស្ស៥នាក់ត្រូបានគេ បញ្ជូនទៅកាន់មន្ទីរពេទ្យភ្លាមៗបន្ទាប់ពីបានរងរបួសដោយសារការបំផ្ទុះគ្រាប់បែក និងបានហែកហួរអាគារពីជាន់ខាងលើចេញពីគ្នា នៅម្តុំផ្ទះល្វែងក្នុងទីក្រុង Chicago ។ មន្ត្រីបាននិយាយថាការបំផ្ទុះក្នុងបរិវេណអគារផ្ទះល្វែង ដែលមានផ្ទះចំនួន៣៦ល្វែង កម្ពស់៣ជាន់បានកើតឡើងភ្លាមៗ នៅមុនម៉ោង៩ និង៣០នាទីព្រឹក ម៉ោងនៅសហរដ្ឋអាម៉េរិក។ យ៉ាងហោចណាស់មានរថយន្តសង្គ្រោះចំនួន 10 គ្រឿង បានមកដល់កន្លែងកើតហេតុភ្លាមៗ នេះបើយោងតាមនាយកដ្ឋានពន្លត់អគ្គីភ័យទីក្រុង Chicago ។ នាយកដ្ឋានបានស្នើសុំជំនួយភ្លាមៗដែរក្នុងការស្វែងរកការអន្តរាគមន៍។ មិនទាន់មានការបញ្ជាក់អំពីមូលហេតុនៃករណីបំផ្ទុះនេះនៅឡើយទេ ។ នាយកដ្ឋានដដែលក៏បាននិយាយនៅក្នុងបណ្តាញ Twitter ជាបន្តបន្ទាប់ថា ក្រុមប៉ូលិសប្រចាំនៅទីក្រុងឈីកាហ្គោ និងភ្នាក់ងារមកពីការិយាល័យសហព័ន្ធបង្រ្កាបគ្រឿងស្រវឹង ថ្នាំជក់ និងគ្រឿងផ្ទុះក៏កំពុងធ្វើការងារលើបញ្ហានេះដែរ ៕
