សូមអបអរសាទរដល់គណៈកម្មាធិការ និងអង្គការចាត់តាំងគណបក្សប្រជាជនកម្ពុជា ស្រុកចំការលើ ខេត្តកំពង់ចាម

កន្លងទៅអគារទីស្នាក់ការគណបក្សចាស់ ជាសំណង់ចាស់តាំងពីយូរមកហើយ និងមានសភាពតូចចង្អៀត មិនអាចឆ្លើយតបទៅនឹងតម្រូវការ និងភាពចាំបាច់ក្នុងការបំពេញការងារ និងពង្រឹងសកម្មភាពគណបក្ស។

ស្ថាបត្យកម្មនៃសំណង់អគារថ្មីដែលសម្ពោធថ្ងៃនេះ បានសាងសង់ឡើងដោយច្របាច់បញ្ចូលគ្នានូវក្បាច់រចនាបថខ្មែរបែបបុរាណ និងទំនើប។ វត្តមាននៃអគារនេះ ក៏ជាការបង្ហាញឱ្យឃើញពីភាពរឹងមាំ និងជានិមិត្តរូបនៃការរួបរួមសាមគ្គីភាព និងភាពរុងរឿងដ៏អស្ចារ្យរបស់គណបក្សប្រជាជនកម្ពុជា ដែលជាបង្អែកមិនអាចខ្វះបានសម្រាប់ជាតិ និងប្រជាជនកម្ពុជាតាំងពីអតីតកាល បច្ចុប្បន្ន និងទៅអនាគតកាលផងដែរ។

ម្យ៉ាងទៀតអគារទីស្នាក់ការគណបក្សប្រជាជនកម្ពុជាថ្មីនេះ នឹងក្លាយទៅអគារពហុបំណង ដែលយើងអាចប្រេីប្រាស់បានទាំងការងារគណបក្ស និងការងារសង្គម។