ប្រជាពលរដ្ឋនៅក្នុងក្រុងសួង សប្បាយរីករាយខណ:ពួកគាត់ ជិតទទួលបានសមិទ្ធផលថ្មី គឺផ្លូវបេតុងចំនួន ២ ខ្សែទៀតមកអាស្រ័យផលក្នុងពេលឆាប់ៗខាងមុខនេះ

( ត្បូងឃ្មុំ ): ប្រជាពលរដ្ឋចំនួន ២ សង្កាត់នៅក្នុងក្រុងសួង ខេត្តត្បូហឃ្មុំ ក៏ដូចជាប្រជាពលរដ្ឋទូទាំងខេត្ត សប្បាយរីករាយខណ:ពួកគាត់ ជិតទទួលបានសមិទ្ធផលថ្មី ២ ទៀត គឺផ្លូវបេតុងអាមេចំនួន ២ ខ្សែ មកអាស្រ័យផលក្នុងពេលឆាប់ៗខាងមុខនេះ ខណ:សមិទ្ធិផលផ្លូវបេតុងអាមេខាងលើនោះ ទី ១ ផ្លូវនៅក្នុងសង្កាត់វិហាលួង ផ្លូវបេតុងអាមេប្រវែង ០,២២ គីឡូម៉ែត្រ តម្លៃប៉ាន់ស្មានដាក់ឲ្យដេញ ១៧៨.៤៤៥.៦០០ រៀល ផ្លូវបេតុងអាមេទី ២ ផ្លូវនៅក្នុងសង្កាត់សួង ផ្លូវបេតុងអាមេប្រវែង ០,២៤ គីឡូម៉ែត្រ តម្លៃប៉ានស្មានដាក់ឲ្យដេញ ១៩៤.៥៣២.៥០០ រៀល ត្រូវបានបានដាក់ឲ្យដេញថ្លៃរួចហើយនៅក្នុងសាលាក្រុងសួង ខេត្តត្បូងឃ្មុំ ក្រោមការសម្របសម្រួលរបស់លោក សឺង សារីវណ្ឌី នាយកទីចាត់ការផែនការវិនិយោគ និងលោក ជា ណារ៉ុន អភិបាលក្រុងសួង នាព្រឹកថ្ងៃទី ២៥ ខែមេសា ឆ្នាំ ២០២៤ ព្រឹកមេញនេះ ទទួលបានជោគជ័យ ប្រកបដោយយុត្តិធម៌ និងតម្លាភាព ។
ប្រជាពលរដ្ឋនៅក្នុងសង្កាត់ទាំង ២ ខាងលើ ក៏ដូចជាប្រជាពលរដ្ឋនៅក្នុងក្រុងសួង និងទូទាំងខេត្តត្បូងឃ្មុំទាំងមូល មានការសប្បាយរីករាយ ខណ:ពួកគាត់មានផ្លូវល្អស្រួលធ្វើដំណើរអាស្រ័យផល មានសោភ័ណ្ឌភាពបែបសុីវីល័យ នៅក្នុងមូលដ្ឋានរបស់គាត់ ។
ប្រជាពលរដ្ឋសំណូមពរសូមឲ្យក្រុមហ៊ុនទទួលការ អនុវត្តិគម្រោងឲ្យស្របតាមស្តង់ដារ និងបទដ្ឋានបច្ចេកទេស ឲ្យផ្លូវមានគុណុណភាពប្រើប្រាស់បានយូរអង្វែង ៕ សុខ ផន