ករណីគ្រោះថ្នាក់ចរាចរណ៍មួយកើតឡើង រវាងរថយន្ត១គ្រឿងម៉ាក HYUNDAIបានបើកឆ្លងផ្លូវពីលិច ទៅកើត ខ្វះការប្រុងប្រយ័ត្នស្រាប់តែពេលនោះមានរថភ្លើង ធ្វើដំណើរក្នុងទិសដៅពីរាជធានីភ្នំពេញ ឆ្ពោះទៅខេត្តព្រះសីហនុ បានបុកតែម្តង
(ព្រះសីហនុ)៖ នៅថ្ងៃទី០១ ខែកុម្ភៈ ឆ្នាំ២០២០ វេលាម៉ោង៧:១៥នាទីព្រឹក នៅលើផ្លូវជាតិ៣ (ចំណុចផ្លូវរថភ្លើងឆ្លងកាត់) ស្ថិតនៅភូមិកំពង់ចិន ឃុំទឹកថ្លាស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង រវាងរថយន្ត១គ្រឿងម៉ាក HYUNDAI ពណ៌ស ពាក់ផ្លាកលេខភ្នំពេញ3D-5097 អ្នកបើកបរមិនស្គាល់អត្តសញ្ញាណ លុះមកដល់ចំណុចខាងលើបានបើកឆ្លងផ្លូវពីលិច ទៅកើត ខ្វះការប្រុងប្រយ័ត្ន។ ស្រាប់តែពេលនោះមានរថភ្លើង ធ្វើដំណើរក្នុងទិសដៅពីរាជធានីភ្នំពេញ ឆ្ពោះទៅខេត្តព្រះសីហនុ បានបុកតែម្តង។
គួរឱ្យដឹងផងដែរថា គ្រោះថ្នាក់ចរាចរណ៍ខាងលើនេះ មិនបណ្ដាលឲ្យរបួសមនុស្សទេ។ ចំណែករថយន្តខូចខាតរថយន្តផ្នែកមុខ បានយកមករក្សាទុកនៅអធិការដ្ឋាននគរបាលស្រុកព្រៃនប់។ ដោយឡែក អ្នកបើកបររថយន្តរត់គេចខ្លួនបាត់ក្រោយពេលកើតហេតុ៕
