បុរសម្នាក់ បានស្លាប់ភ្នាមៗចំថ្ងៃខួបកំណើត ក្នុងករណីគ្រោះថ្នាក់ចរាចរណ៏ជិះឡានទៅបុកបង្គោលភ្លើង
(ភ្នំពេញ)៖ បុរសម្នាក់ បានស្លាប់ភ្នាមៗចំថ្ងៃខួបកំណើត ក្នុងករណីគ្រោះថ្នាក់ចរាចរណ៏ជិះឡានទៅបុកបង្គោលភ្លើង កាលពីវេលាម៉ោង១២ និង០០ នាទីរំលងអធ្រាត្រ ឈានចូលថ្ងៃទី០៣ ខែមករា ឆ្នាំ២០២០ ត្រង់ចំណុចលើផ្លូវ ៦០ម៉ែត្រ ស្ថិតក្នុងភូមិ ព្រែកតាឡុង១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
បើយោងតាមមន្ត្រីនគរបាលចរាចរណ៍ ដែលចុះទៅវ់ាស់វែងដល់កន្លែងកើតហេតុ បានឲ្យដឹងថា ករណីគ្រោះថ្នាក់ដ៏គួររន្ធត់នេះ បណ្ដាលឲ្យស្លាប់ម្នាក់ និងរបួសធ្ងន់ស្រាល ៣នាក់។
លោក បានបន្តទៀតថា រថយន្តបង្កម៉ាក LEXUS (GS300) ពណ៌ស ពាក់ផ្លាកលេខ ភ្នំពេញ 2BC-6479 (ទើបទិញថ្មី ខូចខាត ៨០%) បើកបរដោយឈ្មោះ ឈួន គឹមហ៊ាង ភេទប្រុស អាយុ ២៣ឆ្នាំ ស្នាក់នៅភូមិព្រែកហូ សង្កាត់ ព្រែកហូ ក្រុងតាខ្មៅ ខេត្តកណ្តាល (របួសធម្យម) ធ្វើដំណើតពីត្បូងទៅជើង មកដល់ចំណុចកើតហេត បានបុកបង្គោលភ្លើងបំភ្លឺផ្លូវ បណ្តាលបោកក្រឡាប់តែម្តង។
ចំណែកអ្នករួមដំណើរ៣នាក់ មានឈ្មោះ៖ ទី១. ឈ្មោះ ឆេងណារ៉ូ ភេទប្រុស អាយុ ២៣ ឆ្នាំ រស់នៅភូមិព្រែកហូ សង្កាត់ព្រែកហូ ក្រុងតាខ្មៅ ខេត្តកណ្តាល បានស្លាប់នៅកន្លែងកើតហេតុ, ទី២. ឈ្មោះ ស្រី ពេជ្រ ភេទស្រី អាយុ២៣ ឆ្នាំ មិនស្គាល់ទីលំនៅ បានបាក់ដៃស្តាំ និងទី៣.ឈ្មោះ លីន ភេទស្រី អាយុ២៣ឆ្នាំ មិនស្គាល់ទីលំនៅ បានរងរបួសស្រាល។ មន្ត្រីនគរបាលដដែលនោះ បានបញ្ជាក់ថា ករណីខាងលើកើតឡងដោយការបើកបរខ្វះការប្រុងប្រយ័ត្ន។
គួរបញ្ជាក់ផងដែរថា អ្នកទាំងបួនទើបចេញពីកម្មវិធីផឹកស៊ី ដោយអ្នកស្លាប់ខាងលើ មានខួបកំណើតចំថ្ងៃកើតហេតុផងដែរ។ ក្រោយកើតហេតុ សមត្ថកិច្ច បានចុះមកដល់ ទាក់ទងទៅជំនាញការិយាល័យនគរបាលចរាចរណ៌ផ្លូវគោករាជធានីភ្នំពេញ ឲ្យចុះវាស់វែង ដើម្បីចាត់ការបន្តតាមនីតិវិធី។ ដោយទ្បែកសព ប្រគល់ឲ្យគ្រួសារ យកទៅធ្វើបុណ្យតាមប្រពៃណី៕