នារីវៀតណាមម្នាក់ ធ្លាក់ពីលើអាគារជាន់ទី២៥ បាត់បង់ជីវិត នៅក្រុងព្រះសីហនុ
ខេត្តព្រះសីហនុ ៖ ស្ត្រីជនជាតិបរទេសម្នាក់ បានធ្លាក់ពីលើអាគារជាន់ទី២៥ បណ្តាលឲ្យបាត់បង់ជីវិតភ្លាមៗ នៅនឹងកន្លែងកើតហេតុ កាលពីវេលាម៉ោង០៥ និង៣០នាទីល្ងាចថ្ងៃទី២០ ខែកក្កដា ឆ្នាំ២០២២ ស្ថិតនៅចំណុចអាគារស្នាក់នៅស៊ីងហ្សាវ័ន ក្បែរស្ពានស្តេចមឹក ក្នុងភូមិ០៤ សង្កាត់០៤ ក្រុងព្រះសីហនុ ។
ករណីនេះ សមត្ថកិច្ចជំនាញ បានអោយដឹងជាបឋមថា ជនរងគ្រោះមានឈ្មោះ NGUYEN THILAN ភេទស្រី អាយុ៣០ឆ្នាំ ជាជនជាតិវៀតណាម កាន់លិខិតឆ្លងដែន មានសុពលភាពដល់ឆ្នាំ២០៣២ ។ទោះជាយ៉ាងណា សមត្ថកិច្ចជំនាញ នៅពុំទាន់អាចបញ្ជាក់ពីមូលហេតុ នៃស្ត្រីរងគ្រោះ ដែលបានធ្លាក់ស្លា.ប់ដោយសារអ្វីនៅឡើយទេ ។ក្រោយកើតហេតុ កម្លាំងជំនាញអធិការដ្ឋាននគរបាលក្រុងព្រះសីហនុ ក៏បាននាំខ្លួនជនជាតិចិនម្នាក់ ឈ្មោះ JIAO TIANCI ភេទប្រុស អាយុ៤៦ឆ្នាំ កាន់លិខិតឆ្លងដែនស្របច្បាប់ ដែលស្នាក់នៅបន្ទប់លេខ២៥២០ រស់នៅជាមួយនារីរងគ្រោះ នាំយកទៅសាកសួរនៅអធិការដ្ឋាននគរបាលក្រុងព្រះសីហនុ ។បច្ចុប្បន្ន សាកស.ព ត្រូវបានបញ្ជូនចេញទៅរក្សាទុកនៅសាលតម្កល់ស.ព នៃមន្ទីរពេទ្យចំការចេក ដើម្បីសមត្ថកិច្ចជំនាញបច្ចេកទេសវិទ្យាសាស្ត្រ ពិនិត្យធ្វើកោសល្យវិច័យ និងស៊ើបអង្កេតស្រាវជ្រាវរកមូលហេតុពិតប្រាកដនៃការស្លា.ប់ខាងលើនេះ ៕
