ទីបំផុត អ៊ុយក្រែនវា.យដណ្តើមបានទីក្រុង Kherson ពីរុស្ស៊ីវិញ
ប្រធានាធិបតីអ៊ុយក្រែន លោក Volodymyr Zelenskyy បាននិយាយកាលពីថ្ងៃសុក្រ ទី១១ វិច្ឆិកា ថា អង្គភាពពិសេសនៃកងកម្លាំងអ៊ុយក្រែនកំពុងស្ថិតនៅទីក្រុង Kherson ភាគខាងជើង បន្ទាប់ពីមានការដកទ័ពចេញរបស់រុស្ស៊ី និងបានហៅពេលវេលានេះ ជាប្រវត្តិសាស្ត្រ។
អ្នកស្រុកបានស្វាគមន៍វត្តមានរបស់កងទ័ពអ៊ុយក្រែននៅក្នុងទីក្រុង បន្ទាប់ពីរុស្ស៊ីបោះបង់ចោលទីក្រុងនេះដែលខ្លួនដណ្តើមបានចាប់តាំងពីមានការឈ្លានពាននៅក្នុងខែកុម្ភៈ ។
លោកនិយាយនៅក្នុងវីដេអូនៅពេលល្ងាចថ្ងៃសុក្រដូច្នេះថា «ថ្ងៃនេះជាថ្ងៃប្រវត្តិសាស្ត្រ ។ យើងយកតំបន់ភាគខាងជើងប្រទេសត្រឡប់មកវិញបាន យើងកំពុងទទួលបាន Kherson ត្រឡប់មកវិញ» ។
«រហូតមកដល់ពេលនេះ អ្នកការពាររបស់យើងនៅជាយទីក្រុង ហើយយើងកំពុងជិតចូលហើយ។ ប៉ុន្តែអង្គភាពពិសេសបាននៅក្នុងទីក្រុងរួចហើយ» ។
លោកបន្ថែមថា វិធានការដើម្បីធ្វើឱ្យ Kherson មានសុវត្ថិភាព ជាពិសេសកិច្ចប្រឹងប្រែងដើម្បីដោះមីនចេញ នឹងចាប់ផ្តើមឱ្យបានឆាប់តាមដែលអាចធ្វើបាន ។
