បង្ក្រាបករណីជួញដូរគ្រឿងញៀនទ្រង់ទ្រាយធំមួយនៅខេត្តព្រះសីហនុ រឹបអូសថ្នាំញៀនជិត ៩០០គីឡូក្រាម

បង្ក្រាបករណីជួញដូរគ្រឿងញៀនទ្រង់ទ្រាយធំមួយនៅខេត្តព្រះសីហនុ រឹបអូសថ្នាំញៀនជិត ៩០០គីឡូក្រាម

កម្លាំងកងរាជអាវុធហត្ថខេត្តព្រះសីហនុ កាលពីថ្ងៃទី ១១ ខែ ធ្នូ ឆ្នាំ ២០២២ ម្សិលមិញនេះ បានបើកប្រតិបត្តិការចុះបង្ក្រាបករណីជួញដូរគ្រឿងញៀនទ្រង់ទ្រាយធំមួយ នៅចំណុចឃ្លាំងជួលមួយកន្លែង ស្ថិតនៅក្រុម៩ ភូមិ២ សង្កាត់លេខ១ ក្រុងព្រះសីហនុ រកឃើញថ្នាំញៀនចំនួន ៣៤បាវ ដែលមានទម្ងន់រហូតដល់ ៨៨៤គីឡូក្រាម ។

បច្ចុប្បន្ន វត្ថុតាងត្រូវបានយកមករក្យាទុកនៅបញ្ជាការដ្ឋានកងរាជអាវុធហត្ថខេត្តព្រះសីហនុ ដើម្បីបន្តនីតិវិធី ។ ចំពោះជនសង្ស័យ កម្លាំងមន្ទីរជំនាញបានពន្លាតដែនដីសមត្ថកិច្ចទៅតាមរាជធានី-ខេត្ត ដើម្បីស្វែងរកមុខសញ្ញាពាក់ព័ន្ធ ៕