មន្ត្រីជំនាញបសុព្យាបាលខេត្តត្បូងឃ្មុំ បើកយុទ្ធនាការណ៍ ចាក់វ៉ាក់សាំងការពារ និងបាញ់ថ្នាំសម្លាប់មេរោគសារទឹក ដល់សត្វគោក្របី ជូនប្រជាពលរដ្ឋនៅលើទីទួលសុវត្តិភាព ដោយមិនយកលុយ នៅក្នុងឃុំជីរោទ៍ទី ២ ស្រុកត្បូងឃ្មុំ ខេត្តត្បូងឃ្មុំ

( ត្បូងឃ្មុំ ): មន្ត្រីជំនាញបសុព្យាបាល នៃមន្ទីរកសិកម្ម រុក្ខាប្រម៉ាញ់ និងនេសាទ ខេត្តត្បូងឃ្មុំ បានបើកយុទ្ធនាការណ៍ ចាក់វ៉ាក់សាំងការពារ និងបាញ់ថ្នាំសម្លាប់មេរោគជំង៉ឺសារទឹកសត្វគោក្របី ជូនប្រជាពលរដ្ឋ នៅលើទីទួលសុវត្តិភាព ដោយឥតគិតថ្លៃ ។
ការបើកយុទ្ធនាការនេះ ធ្វើឡើងនាព្រឹកថ្ងៃទី ២៣ ខែកញ្ញា ឆ្នាំ ២០២៣ ស្ថិតនៅលើទួលសុវត្តិភាព ក្នុងភូមិទួលវិហា ឃុំជីរោទ៍ទី ២ ស្រុកត្បូងឃ្មុំ ខេត្តត្បូងឃ្មុំ ។
លោក កែន ចន្ទ័សុជាតិ អនុប្រធានការិយាល័យផលិតកម្ម និងបក្សសុព្យាបាល បានឲ្យដឹងថា ដោយមានការណែនាំពីឯកឧត្តមបណ្ឌិត ជាម ចន្ទ័សោភ័ណ្ឌ អភិបាលខេត្តត្បូងឃ្មុំ និងលោក ហេង ពិសិដ្ឋ ប្រធានមន្ទីរកសិកម្មរុក្ខាប្រមាញ់ និងនេសាទខេត្ត បានឲ្យមន្ត្រីជំនាញ យកចិត្តទុកដាក់ តាមដានសត្វពាហាន:របស់ប្រជាពលរដ្ឋ ដែលភាសខ្លួនពីទឹកជំនន់ទន្លេមេគង្គ ទៅនៅតាមទីទួលសុវត្តិភាព ។
លោក កែន ចាន់សុជាតិ បន្តថា លោកបានដឹកនាំសហការីជំនាញ សហការណ៍ជាមួយលោកមេភូមិ និងភ្នាក់ងារសុខភាពសត្វភូមិ បានចុះចាក់វ៉ាក់សាំងសត្វគោក្របី នឹងបាញ់ថ្នាំសម្លាប់មេរោគសារទឹក ជូនបងប្អូនប្រជាពលរដ្ឋ ដែលនៅតាមទីទួលសុវត្តិភាព ក្នុងភូមិទួលវិហា ឃុំជីរោទី ២ ស្រុកត្បូងឃ្មុំ ខេត្តត្បូងឃ្មុំ បានចំនួន ២៣២ ក្បាល ក្របី ៧០ ក្បាល និងបានធ្វើការផ្សព្វផ្សាយ ពីសារ:ប្រយោជន៍នៃការចាក់វ៉ាក់សាំងសត្វ រួមជាមួយផ្សព្វផ្សាយពីរោគសញ្ញានៃជំងឺសារទឹក អុតក្ដាម និងដុំពក សត្វគោជូនដល់ប្រជាពលរដ្ឋផងដែរ ៕