ម៉ាឡេស៊ី រឹបអូសប្រេងឆៅពីកប៉ាល់ដឹកប្រេង មានតម្លៃជិត១៣០លានដុល្លារ
រាជធានីគួឡាឡាំពួរ៖ កប៉ាល់ដឹកប្រេងឆៅចំនួន២គ្រឿង បានបោះយុថ្កា នៅក្នុងសមុទ្រ ហើយត្រូវបានអាជ្ញាធរម៉ាឡេស៊ី រឹបអូស មានតម្លៃចំនួន១២៩,៩ លានដុល្លារ ដោយសារមានការសង័្សយ អំពីការផ្ទេរប្រេង ដោយខុសច្បាប់។ នេះបើតាមគេហទំព័រទូរទស្សន៍របស់សិង្ហបុរី Channel News Asia បានចេញផ្សាយ កាលពីព្រឹក ថ្ងៃអាទិត្យ ទី១ ខែកុម្ភៈ ឆ្នាំ២០២៦។
ទីភ្នាក់ងារអនុវត្តដែនសមុទ្រម៉ាឡេស៊ី បានបញ្ជាក់ កាលពីថ្ងៃសៅរ៍ (៣១ មករា) ថា កប៉ាល់ដឹកប្រេងចំនួន២គ្រឿង ដែលសង្ស័យពីការផ្ទេរប្រេងឆៅ ពីកប៉ាល់ទៅកប៉ាល់ ដោយខុសច្បាប់ មានតម្លៃជាង៥១២ លានរីងហ្គីដ (លុយម៉ាឡេស៊ី) ឬស្មើនឹង១២៩,៩ លានដុល្លារ ត្រូវបានរឹបអូស នៅចម្ងាយប្រហែលជិត៤០គីឡូម៉ែត្រ នាភាគលិច នៃទីក្រុងមូកាហែដ (Muka Head) រដ្ឋ ផេណាង (Penang) កាលពីសប្តាហ៍មុន។ កប៉ាល់ដឹកដឹកប្រេងរឹបអូសបាន ដែលមានតម្លៃ ៧១៨លុយរីងហ្គីដ ដោយសមាជិកនាវិកជនជាតិចិន ភូមា អ៊ីរ៉ង់ ប៉ាគីស្ថាន និងឥណ្ឌា ចំនួន៥៣នាក់។
ទីភ្នាក់ងារម៉ាឡេស៊ី បានបញ្ជាក់ ថា កាពីទែនទាំងពីរកប៉ាល់២គ្រឿង ត្រូវបានចាប់ខ្លួន និងប្រគល់ទៅឱ្យមន្ត្រីស៊ើបអង្កេតដែនសមុទ្រ នៃរដ្ឋផេណាង៕