ការសម្ដែងរបាំក្បាច់បុរាណខ្មែរទ្រង់ទ្រាយធំរយៈពេល២ថ្ងៃ មានមហាជនគាំទ្រយ៉ាងច្រើនកុះករ
ឯកឧត្ដម តូច ប៉ូលីវ៉ា អនុប្រធានសហភាពសហព័ន្ធយុវជនកម្ពុជាខេត្តស្វាយរៀង លោក សោម សុធា អគ្គនាយកភូមិខ្មែរគ្រុប បានដឹកនាំក្រុមយុវជន សសយកខេត្តស្វាយរៀង និងបុគ្គលិក និងសហការីភូមិខ្មែរគ្រុប ចំនួន១៦០នាក់ ដើម្បីចូលរួមទស្សនាការសម្តែងមហោស្រពរបាំក្បាច់បុរាណខ្មែរ រឿង”ព្រះបាទជ័យរវ្ម័នទី៧” ដកស្រង់ត្រង់ឈុត ស្នាព្រះហស្ត និងសមិទ្ធផលនៃមហាវីរក្សត្រទាំង៣អង្គ នៅសាលសន្និសីទចតុមុខដែលបានប្រារព្ធធ្វើឡើងកាលពី២៧ និង២៨ ខែសីហា ឆ្នាំ២០២២ គឺការក្រោមកិច្ចផ្ដួចផ្ដើមពីសហភាពសហព័ន្ធយុវជនកម្ពុជាខេត្តស្វាយរៀង ជាមួយនឹងសាលារបាំនរោត្ដម បុប្ផាទេវី ។
ការសម្តែងមហោស្រពរបាំក្បាច់បុរាណខ្មែរ រឿង ព្រះបាទជ័យរវ្ម័នទី៧ ដកស្រង់ត្រង់ឈុត ស្នាព្រះហស្ត និងសមិទ្ធផលនៃមហាវីរក្សត្រទាំង៣អង្គ ដែលបានមកដល់ ខណៈសិល្បករ-សិល្បការិនី ជិត២០០នាក់ កំពុងហាត់សមយ៉ាងយកចិត្តទុកដាក់បំផុតទាំងយប់ទាំងថ្ងៃ ដើម្បីធ្វើយ៉ាងណាឱ្យការសម្ដែងដ៏កម្រមួយនេះ ប្រកបដោយភាពអស្ចារ្យសម្រាប់ទស្សនិកជនទាំងជាតិ និងអន្តរជាតិ ដែលបានប្រារព្ធធ្វើឡើងនាសាសចតុមុខ រាជធានីភ្នំពេញ។
ឯកឧត្ដម តូច ប៉ូលីវ៉ា បានមានប្រសាសន៍អោយដឹងថា៖ ការដឹកក្រុមយុវជនសហភាពសហព័ន្ធយុវជនកម្ពុជាខេត្តស្វាយរៀងនាពេលនេះ គឺជួយគាំទ្រលើកស្ទួយវិស័យសិល្បៈខ្មែរ វិស័យផ្សេងៗក្នុងសង្គមជាតិរបស់យើង។ ហើយឯឧត្តមផ្ទាល់ក៏ដូចជាមហាជនកំពុងចាប់អារម្មណ៍ខ្លាំង និងមានការជជែកគ្នាជាច្រើនពីមហោស្រពរបាំក្បាច់បុរាណខ្មែរ រឿង «ព្រះបាទជ័យរវ្ម័នទី៧ ដកស្រង់ត្រង់ឈុត ស្នាព្រះហស្ត និងសមិទ្ធផលនៃមហាវីរក្សត្រទាំង ៣អង្គ»។
ក្នុងឪកាសនោះផងដែរឯកឧត្ដម តូច ប៉ូលីវ៉ា អំពាវនាវសូមឱ្យប្រជាជនខ្មែររចូលរួមទស្សនាព្រឹត្តិការណ៍ដ៏កម្រមួយនេះ ខណៈដែលបច្ចុប្បន្ននេះមានប្រទេសជិតខាងកំពុងបញ្ជៀបវប្បធម៌របស់ពួកគេចូលមកក្នុងប្រទេសកម្ពុជា ដូច្នេះហើយមានតែគាំទ្រ សិល្បៈវប្បធម៌ជាតិរបស់ខ្លួនប៉ុណ្ណោះ ទើបអាចជួយលើកតម្កើងវប្បធម៌ជាតិឱ្យថ្កុំថ្កើង មិនអាចមានប្រទេសណាមកបន្លំបានឡើយ។
សូមបញ្ជាក់ផងដែរថាៈ នៅក្នុងព្រឹត្តការណ៍ខាងលើនេះបុគ្គលិក និងសហការី ដែលដឹកនាំដោយ លោក សោម សុធា អគ្គនាយក ភូមិខ្មែរគ្រុប ដែលតែងតែយកចិត្តទុកដាក់ពីសុខទុកចំពោះបុគ្គលិក និងសហការី ពិសេសលោកតែងតែជួយគាំទ្រលើកស្ទួយ វិស័យផ្សេងៗក្នុងសង្គមរបស់យើង ក៏បានដឹកនាំ បុគ្គលិក និងសហការី ១៦០នាក់ ចូលរួមទស្សនា ក្នុងការជួយគាំទ្រ លើកស្ទួយ និងថែរក្សាវប្បធម៌ខ្មែរយើង នៅសាលសន្និសីទចតុម្មុខអំពី របាំក្បាច់បុរាណខ្មែររឿង “ព្រះបាទជ័យវរ្ម័នទី៧ ៉ដែលជាការដកស្រង់ត្រង់ឈុត ស្នាព្រះហស្ថ និងសមិទ្ធផលនៃមហាវីរក្សត្រទាំង៣អង្គ។
ជាពិសេស លោក សោម សុធា ក៏សូមថ្លែងអំណរគុណយ៉ាងជ្រាលជ្រៅបំផុតចំពោះ ឯកឧត្តម ឌី វិជ្ជា ឯកឧត្តម តូច ប៉ូលីវា ថ្នាក់ដឹកនាំខេត្តទាំងអស់ និងស.ស.យ.ក ខេត្តស្វាយរៀង ដែលបានរៀបចំបង្កើតនូវកម្មវិធីវប្បធម៌ដ៍ពិសេសនេះឡើង ។
ហើយលោក និងក្រុមការងារសូមគោរពជួនពរ សុខភាពល្អបរិបូណ៌ និងជួបនូវពុទ្ធិពរទាំង ៤ប្រការគឺ អាយុ វណ្ណៈ សុខៈ ពុលៈ និងជោគជ័យគ្រប់ភារៈកិច្ច ៕ ដោយ:33
