រាជបណ្ឌិត្យសភាកម្ពុជាលើកឡើងអំពីចំណងមិត្តភាពរវាងវៀតណាម-កម្ពុជា ដើរតួនាទីយ៉ាងសំខាន់ក្នុងការជួយដល់ ទំនាក់ទំនងនយោបាយ និងជាដៃគូសេដ្ឋកិច្ច!

យោងតាមការចុះចេញផ្សាយនៅលើគេហទំព័ររាជបណ្ឌិត្យសភាកម្ពុជា (RAC) បានសរសេរបញ្ជាក់អំពីមិត្តភាពវៀតណាម – កម្ពុជា ក្នុងរយៈពេលជាច្រើនទសវត្សរ៍កន្លងមកនេះដោយលោក អ៊ុច លាង អនុប្រធាននាយកដ្ឋានសិក្សាអាស៊ីអាហ្រ្វិក និងមជ្ឈិមបូព៌ា ក្រោមវិទ្យាស្ថានទំនាក់ទំនងអន្តរជាតិរបស់ RAC យ៉ាងដូច្នេះថា៖ បរិបទប្រវត្តិនៃទំនាក់ទំនងទ្វេភាគី ចាប់ពីចុងបញ្ចប់នៃសង្គ្រាមលោកលើកទី២ ក្នុងឆ្នាំ ១៩៤៥។ ក្រោយមកបារាំងបានដាក់អាណានិគមនិយមលើឥណ្ឌូចិនដោយបានបញ្ជូនកងទ័ពទៅកាន់កាប់ឥណ្ឌូចិនឡើងវិញុ។តែក្រោយមកឥណ្ឌូចិនក៏ទទួលបានជ័យជម្នះហើយធ្វើឲ្យមានការរង្គោះរង្គើពិភពលោកនៅ  ឌៀនបៀនភូ(Dien Bien Phu) ដែលបានបង្ខំឱ្យ រដ្ឋាភិបាលបារាំង ប្រគល់ឯករាជ្យទាំងស្រុងជូនប្រទេសវៀតណាមព្រមទាំងទទួលស្គាល់ឯករាជ្យរបស់កម្ពុជា និងឡាវ ដើម្បីឲ្យវៀតណាមជួយកម្ពុជា ក្នុងការផ្តួលរំលំរបបប្រល័យពូជសាសន៍ ប៉ុល ពត នៅឆ្នាំ ១៩៧៩។ លោកបានមានប្រសាសន៍ថា ក្នុងបរិបទនោះ  កម្ពុជា និង វៀតណាម បានរក្សា និង មិនឈប់ឈរក្នុងការលើកកម្ពស់ទំនាក់ទំនង និង បានបង្កើតទំនាក់ទំនងការទូតជាផ្លូវការ នៅ ថ្ងៃ ទី ២៤ ខែ មិថុនា ឆ្នាំ ១៩៦៧។ចាប់តាំងពីពេលនោះមកជោគវាសនារបស់ប្រទេសទាំងពីរបានជាប់ទាក់ទងគ្នា ជាពិសេសនៅក្នុងទសវត្សរ៍ឆ្នាំ ១៩៥០ និង ១៩៧០ នៅពេលដែលប្រទេសកម្ពុជាបានគាំទ្រការតស៊ូរបស់វៀតណាមដើម្បីទទួលបានការបង្រួបបង្រួមជាតិ ហើយវៀតណាមបានជួយប្រជាជនកម្ពុជាឱ្យរួចផុតពីរបបប្រល័យពូជសាសន៍។ អត្ថបទបានបន្តទៀតថាទំនាក់ទំនងទ្វេភាគីបាននិងកំពុងអភិវឌ្ឍក្នុងរយៈពេលជាង៥០ឆ្នាំចុងក្រោយនេះ។ ក្នុងឆ្នាំ ២០០៥ កម្ពុជា និងវៀតណាមបានកំណត់ទិសដៅអភិវឌ្ឍន៍សម្រាប់ទំនាក់ទំនងរបស់ពួកគេក្នុងបរិបទថ្មីគឺ “អ្នកជិតខាងល្អ មិត្តភាពប្រពៃណី និងកិច្ចសហប្រតិបត្តិការលើគ្រប់ជ្រុងជ្រោយ និរន្តរភាព និងយូរអង្វែង”។  ក្នុងរយៈពេលប៉ុន្មានឆ្នាំចុងក្រោយនេះពួកគេបានផ្ដល់ជំនួយទាំងសម្ភារៈនិងខាងស្មារតីសម្រាប់គ្នាទៅវិញទៅមកក្នុងការប្រយុទ្ធប្រឆាំងនឹង Covid-19 ដើម្បីនាំយកជំងឺរាតត្បាតឱ្យស្ថិតក្រោមការគ្រប់គ្រងនិងបន្ត សកម្មភាពកិច្ចសហប្រតិបត្តិការទ្វេភាគី។ ឆ្នាំនេះ កម្ពុជាកំពុងកាន់តំណែងជាប្រធានប្តូរវេននៃសមាគមប្រជាជាតិអាស៊ីអាគ្នេយ៍ (អាស៊ាន) ជាលើកទី៣។ ក៏ដូចជាការគាំទ្ររបស់កម្ពុជាសម្រាប់ការធ្វើជាប្រធានអាស៊ាន ពីមុនរបស់វៀតណាមដែរវៀតណាមក៏គាំទ្រយ៉ាងខ្ជាប់ខ្ជួននូវការខិតខំរបស់កម្ពុជាក្នុងការរក្សាភាពជាកណ្តាលរបស់ប្លុក ប្រមូលផ្តុំកិច្ចខិតខំប្រឹងប្រែងក្នុងប្លុក និងពីដៃគូមិនមែនអាស៊ាន ព្រមទាំងបង្កើនសាមគ្គីភាព និងការសម្របខ្លួនរបស់អាស៊ាន ដើម្បីសម្រេចបាននូវគោលដៅនៃចក្ខុវិស័យសហគមន៍អាស៊ានឆ្នាំ ២០២៥៕