វត្តមានរដ្ឋមន្រ្តីក្រសួងឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ រួមជាមួយនឹងរដ្ឋមន្រ្តី ក្រសួងយុត្តិធម៌ ចូលរួមជាអធិបតីក្នុងការជម្រុញសកម្មភាពតាក់តែងសេចក្តីព្រៀងច្បាប់ស្តីពី “ការគ្រប់គ្រងទំនិញគ្រោះថ្នាក់”
ដើម្បីរៀបចំតាក់តែងសេចក្តីព្រៀងច្បាប់ស្តីពី “ការគ្រប់គ្រងទំនិញគ្រោះថ្នាក់” និងការ បង្កើតក្រុមការងារបច្ចេកទេសមួយជាសេនាធិការបម្រើឲ្យការងារនេះឲ្យលេចចេញជារូបរៀងឲ្យបានឆាប់រហ័សម្រាប់ ជាផល ប្រយោជន៍ជាតិទាំងមូល ថ្ងៃនេះនៅទីស្តីការក្រសួង ឯកឧត្ដម កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តី ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និង ឯកឧត្តម កើតត រឺទ្ធិ រដ្ឋមន្រ្តីក្រសួងយុត្តិធម៌ ដែលត្រូវបានតែងតាំងជាសហប្រធាន និងតំណាងក្រសួងស្ថាប័នពាក់ព័ន្ធចំនួន ១៨ បានអញ្ជើញជាអធិបតីក្នុងកិច្ចប្រជុំពិភាក្សាជុំវិញការបង្កើតគណៈកម្មការអន្តរក្រសួង និងត្រូវធ្វើបច្ចុប្បន្នភាពឡើងវិញ នូវសមាសភាពគណៈកម្មការអន្តរក្រសួងផងដែរ។ បច្ចុប្បន្នភាពសមាសភាពគណៈកម្មការអន្តរក្រសួងបានមួយចំនួនធំរួចមក ឯកឧត្តមកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ និងឯកឧត្តម កើត រិទ្ធ រដ្ឋមន្ត្រី ក្រសួង យុត្តិធម៌ ក្នុងនាមជាសហប្រធាននៃកិច្ចប្រជុំ បានបង្ហាញនូវ ជំហររួមគ្នាដោយបញ្ជាក់ថា៖ដោយពិនិត្យឃេីញពីតម្រូវការចាំបាច់ ក្នុងការបន្តឲ្យមានកំណើនសេដ្ឋកិច្ចជាតិ ការការពារ សុខមាលភាព សុវត្ថិភាព សាធារណៈ បរិស្ថាន និង សង្គម ប្រកបដោយ ការទទួល ខុសត្រូវ និង មានប្រសិទ្ធភាពខ្ពស់ ជាពិសេសការគ្រប់គ្រងទំនិញ និងសារធាតុគ្រោះថ្នាក់ ដើម្បីបញ្ចៀសរាល់មហន្តរាយ ដែលអាចកើតមានឡេីងជាយថាហេតុ ច្បាប់ ស្តីពី “ការគ្រប់គ្រងទំនិញគ្រោះថ្នាក់ ” ត្រូវតែបង្កើត ឡេីងឲ្យបានជាប្រញ៉ាប់តាមដែលអាចធ្វេីទៅបាន ពីព្រោះ ច្បាប់នេះ មានវិសាលភាព ក្នុងការត្រួតពិនិត្យ ការផលិត ការប្រេីប្រាស់ ការនាំចូល ការនាំចេញ ការដឹកជញ្ជូន និងការស្តុកទំនិញគ្រោះថ្នាក់ ដែលអាចបង្កមហន្តរាយដល់មនុស្ស សត្វ បរិស្ថាន និងសន្តិសុខ សង្គម ។ ជាពិសេសគឺទប់ស្កាត់ឲ្យបានជាអតិបរមាពីការផលិតគ្រឿងញៀន យកចេញពីសារធាតុគីមីផ្សំនាំចូល ដែលពិតជាគ្រោះថ្នាក់និងមានការ ប៉ះពាល់យ៉ាងធ្ងន់ធ្ងរដល់សង្គមជាតិទាំងមូល៕
