គម្រោងអចលនទ្រព្យភូមិមរតក នាំយកសំភារៈមួយចំនួន ចែកជូនរដ្ឋបាលឃុំអង្គតាសូ និងប្រជាពលរដ្ឋកំពុងមានជីវភាពខ្វះខាតចំនួន២គ្រួសារ នៅស្រុកស្វាយជ្រំ

(ខេត្តស្វាយរៀង) លោក​ លី យូហេង និងលោកស្រី​ ងិន​ ចាន់មុន្នីរត្ន័​ តំណាងលោក  សោម​ សុធា​  អគ្គនាយក​ក្រុមហ៊ុនភូមិខ្មែរគ្រុប  និងសហការី​ នៅថ្ងៃទី០៩ ខែកញ្ញា​ ឆ្នាំ២០២២ បានចុះផ្តល់ជូន​អាល់កុលចំនួន២កាន​ ម៉ាស៥កេស​ធំ ដល់សាលាឃុំអង្គតាសូ​ ស្រុកស្វាយជ្រំ​ ខេត្តស្វាយ ដេីម្បីអោយអាជ្ញាធរ​ ប្រេីប្រាស់ក្នុងឱកាសបុណ្យកាន់បិណ្ឌ.ភ្ជុំបិណ្ឌខាងមុខ​ ការពារការឆ្លងមេរោគកូវីត-១៩ ចូលក្នុងសហគមន៍​។

លោក​ លី យូហេង និងលោកស្រី​ ងិន​ ចាន់មុន្នីរត្ន័​ គម្រោងអចលនទ្រព្យភូមិមរតក បានឲ្យដឹងថាៈ ដោយមានការជូនដំណឹង និង ការអំពាវនាវពីអាជ្ញាធរឃុំអង្គតាសូ ដេីម្បីស្នេីសុំជំនួយដល់គ្រួសារក្រីក្រដែលកំពុងជួបប្រទះនូវទុក្ខលំបាកក្នុងជីវភាពរស់នៅប្រចាំថ្ងៃ គម្រោងបានក៏ចូលរួម ឧបត្ថម្ភ នូវសម្ភារះជាគ្រឿងឧបភោគបរិភោគ និងថវិកាមួយចំនួន ជូនដល់ប្រជាពលរដ្ឋគ្រួសារចំនួន២គ្រួសារ ស្ថិតក្នុងភូមិចែងមែង និងភូមិរកា នៃឃុំអង្គតាសូ ស្រុកស្វាយជ្រំ ខេត្តស្វាយរៀង។

លោកបន្តថា អំណោយខាងលើនេះវាតិចតួចស្តួចស្តើងក៏ពិតមែន ប៉ុន្តែវាអាចជួយសម្រួលដល់ការរស់នៅរបស់បងប្អូនបានមួយគ្រាផងដែរ។

នៅក្នុងឱកាសនោះ លោក​ អុន​ ពេញ មេឃុំ​ អង្គតាសូ​ តំណាងឲ្យក្រុមប្រឹក្សាឃុំ និងលោកមេភូមិ ក៏បានថ្លែងអំណរគុណយ៉ាងជ្រាលជ្រៅចំពោះ លោក សោម​ សុធា​  អគ្គនាយក​ក្រុមហ៊ុនភូមិខ្មែរគ្រុប លោក​ លី យូហេង និងលោកស្រី​ ងិន​ ចាន់មុន្នីរត្ន័​ និងសហការីដែលបានដែលបានចំណាយធនធានជាសំភារៈនិងស្មារតីក្នុងការជួយដល់រដ្ឋបាលឃុំអង្គតាសូ ក៏ដូចជាប្រជាពលរដ្ឋក្រីក្រទាំង២គ្រួសារនេះផងដែរ។

លោក មេឃុំបានបន្តថាៈ ប្រជាពលរដ្ឋក្រីក្រទាំង២គ្រួសារនោះមានឈ្មោះ÷

ទី១, ឈ្មោះ ម៉ុញ ថារី   (ស្រី)  រស់នៅភូមិចែងមែង ឃុំអង្គតាសូ ស្រុកស្វាយជ្រំ ខេត្តស្វាយរៀង។

ទី២, ឈ្មោះ នី សំអន (ប្រុស) រស់នៅភូមិរកា ឃុំអង្គតាសូ ស្រុកស្វាយជ្រំ ខេត្តស្វាយរៀង។

ហើយនេះជាការរួមចំណែកមួយដែលគម្រោងអចលនទ្រព្យភូមិមរតក បានចូលរួមជួយទៅតាមលទ្ធភាព​។

សូមបញ្ជាក់ផងដែរថាៈ  ក្រុមហ៊ុនភូមិខ្មែរគ្រុប មានលក់អចលនទ្រព្យ ដីឡូត៍ ផ្ទះល្វែង និងផ្សារមេឃនៃក្រុមហ៊ុនផ្សារមរតក ឯកជន (  ឯ.ក ) ដែលជាផ្សារធំទី២នៅលើទឹកដីក្រុងស្វាយរៀង ហើយនៅពេលថ្មីៗនេះបានផ្តល់តូបចំនួន១២០តូប ដល់បងប្អូនប្រជាពលរដ្ឋដោយឥតគិតថ្លៃ ដែលមានទីតាំងស្ថិតក្នុងភូមិចំបក់ សង្កាត់ចេក ក្រុងស្វាយរៀង។ ចាប់តាំងពីក្រុមហ៊ុនចាប់ដំណើរការលក់អចលនទ្រព្យ ដីឡូត៍ ផ្ទះល្វែង គឺមានអថិជនគាំទ្រច្រើនលើសលប់ហើយទទួលបានជោគជ័យស្ទើរគ្រប់គម្រោង៕ ដោយ:33