សម្តេចតេជោ ហ៊ុន សែន អញ្ជើញចូលរួមក្នុងសន្និសីទគណបក្សអន្តរជាតិ តាមប្រព័ន្ធវីដេអូ

សម្តេចតេជោ ហ៊ុន សែន អញ្ជើញចូលរួមក្នុងសន្និសីទគណបក្សអន្តរជាតិ តាមប្រព័ន្ធវីដេអូ

នៅរសៀលថ្ងៃព្រហស្បតិ៍ ទី០៦ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអញ្ជើញចូលរួមសន្និសីទគណបក្សអន្តរជាតិតាមប្រព័ន្ធវីដេអូ។ សន្និសីទនេះ ធ្វើឡើងក្រោមប្រធានបទ «គោលនយោបាយបរិស្ថាន និងការអភិវឌ្ឍប្រកបដោយចីរភាព»។

ពិធីបើកសន្និសីទនេះត្រូវបានធ្វើឡើងនៅប្រទេសរុស្ស៉ី ដោយមានការអញ្ជើញចូលរួមពីមេដឹកនាំបណ្តាបក្សនយោបាយនានាផងដែរ។ ក្នុងពិធីបើកសន្និសីទនេះ សម្តេចតេជោ ហ៊ុន សែន បានអញ្ជើញថ្លែងសុន្ទរកថាគន្លឹះផងដែរ។