កប់ណាស់! សុគន្ធ និសា និង ណុប បាយ៉ារិទ្ធ ឃើញតែស្និទ្ធគ្នាក្នុងបទចម្រៀង តែក្រៅឆាកកាន់តែស្និទ្ធដូចបងប្អូន
អាចនិយាយបានថា សុគន្ធ និសា និង លោក ណុប បាយ៉ារិទ្ធ សុទ្ធសឹងតែជាតារាចម្រៀងដែលអាចចាត់ទុកជារៀមច្បងសម្រាប់សិល្បករស្រករក្រោយៗបានហើយ ព្រោះអ្នកទាំងពីរបានប្រឡូកក្នុងអាជីពមួយនេះ ចាស់ខែចាស់ថ្ងៃណាស់ហើយ ។
ជាតារាចម្រៀងស្ថិតក្នុងផលិតកម្មតែមួយ និសា និង ណុប បាយ៉ារិទ្ធ ធ្លាប់សម្ដែង ធ្លាប់ច្រៀងបងឆ្លងឆ្លើយ ក៏ដូចជាធ្លាប់ធ្វើការសិទ្ធស្នាលជាមួយគ្នាច្រើនហូរហែ ដែលទំនាក់ទំនងតារាចម្រៀងពីររូបនេះ ក៏អាចនិយាយបានថា ល្អូនល្អិននឹងគ្នាដូចបងប្អូនបង្កើតអ៊ីចឹងដែរ ។
ជាក់ស្ដែងថ្មីៗនេះ លោក ណុប បាយ៉ារិទ្ធ បានបង្ហោះរូបថតជាមួយ សុគន្ធ និសា ច្រើនសន្លឹកនៅលើគណនីហ្វេសប៊ុក ខណៈអ្នកទាំងពីរទៅចូលរួមច្រៀងនៅកម្មវិធីប្រគំតន្រ្តីមួយស្ថិតក្នុងខេត្តបាត់ដំបងកាលពីពេលថ្មីៗនេះ ប៉ុន្ដែអ្វីដែលគួរឱ្យចាប់អារម្មណ៍នោះ កាយវិការស្និទ្ធស្នាល លេងសើច មានទាំងឱបថើបគ្នាយ៉ាងស្និទ្ធប្រៀបដូចបងប្អូនរបស់អ្នកទាំងពីរ ធ្វើឱ្យមហាជនចាប់អារម្មណ៍ព្រោងព្រាត ។
ដ្បិតតែពេលនេះ សុគន្ធ និសា បានរៀបការក្លាយជាភរិយាគេក៏ពិតមែន ប៉ុន្ដែនៅតែអាចរក្សាទំនាក់ទំនងល្អជាមួយមិត្តរួមទ្រនំសិល្បៈដូចបងប្អូន ចំណុចនេះធ្វើឱ្យមហាជនកោតសរសើរពួកគេមិនស្ទើរនោះទេ ៕
