សម្តេចក្រឡាហោម ស ខេង អញ្ជើញបញ្ចុះបឋមសិលាសាងសង់អន្តេវាសិកដ្ឋាន និងសមិទ្ធផល នានានៅស្រុកបាណន់ខេត្តបាត់ដំបង

អន្តេវាសិកដ្ឋាន  ០១ខ្នង  បណ្ណាល័យ០១ខ្នង ទីចាត់ការ០១ខ្នង  ក្លោងទ្វារចំនួន១  របងចំនួន ១១២ប្រឡោះ នៅវិទ្យាល័យ  សម្តេចក្រឡាហោម ស ខេង  តាគ្រាម  ដែលជាសមិទ្ធផលសង្គមដ៏ថ្លៃថ្លា ត្រូវបា្ររព្ធពិធីបញ្ចុះបឋមសិលាកសាងនៅព្រឹកថ្ងៃទី ១១ ខែតុលា ឆ្នាំ ២០២២  ក្រោមអធិបតីភាពសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ស្ថិតក្នុងឃុំតាគ្រាម ស្រុកសង្កែ ខេត្តបាត់ដំបង ។ នៅក្នុងសន្ទរកថាស្វាគមន៍និង របាយការណ៍របស់លោក  ស្រេង  សុខា  អភិបាលនៃគណៈអភិបាលស្រុកបាណន់  បានជម្រាបជូនឲ្យដឹងថា  សមិទ្ធ សង្គមដ៏ថ្លៃថ្លា ដែលបានបម្រើវិស័យអប់រំសិក្សាក្នុងស្រុក  ក្នុងនោះ  អន្តេវាសិកដ្ឋាន ១ខ្នងដែលមាន (ទំហំ៣០ម៉ែត្រ x ៩,៥ម៉ែត្រស្មើនឹង៥បន្ទប់) ចំណាយថវិកាអស់ ៧១.២៥០ដុល្លារ  បណ្ណាល័យ១ខ្នង (ទំហំ២០ម៉ែត្រ x ៩,៥ ម៉ែត្រ) ចំណាយថវិកា អស់ ៤៧.៥០០ដុល្លារ ទីចាត់ការ១ខ្នង (ទំហំ១៦ម៉ែត្រ× ៩,៥ម៉ែត្រ) ចំណាយថវិកា អស់ ៣៨.០០០ដុល្លារ  ក្លោងទ្វារចំនួន១ (ទទឹង៥ម៉ែត្រ និង កម្ពស់៤ម៉ែត្រ ចំណាយថវិកាអស់៦.៨០០ដុល្លារ  របងប្រវែង

(២២៤ម៉ែត្រ ស្មើនឹង ១១២ប្រឡោះ × ១៤០ដុល្លា)  ចំណាយថវិកាអស់១៥.៦៨០ដុល្លារ  សរុបចំណាយទាំងអស់ ១៧៩,២៣០  ដុល្លា  ។ សម្តេចក្រឡាហោម ស ខេង មានប្រសាសន៍ថារាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិតដ៏ឈ្លាសវៃរបស់សម្តេចអគ្គមហាសេនាបតីតេជោហ៊ុន សែន ជាប្រមុខ   បានយកចិត្តទុកដាក់យ៉ាងខ្លាំងលើវិស័យអប់រំសិក្សាធិកា   ដោយបានប្រកាន់ភ្ជាប់នូវគោលដៅការអប់រំសម្រាប់ទាំងអស់គ្នានិងខិតខំបង្កលក្ខណៈសម្បត្តិ   សំដៅធានាឲ្យកុមារនិងយុវជនកម្ពុជាទាំងអស់មានឱកាសស្មើៗគ្នាក្នុងការទទួលបាននូវការអប់រំប្រកប ដោយគុណភាពដោយពុំគិតអំពីឋានៈក្នុងសង្គម     តំបន់ភូមិសាស្ត្រជនជាតិ  សាសនា   ភេទឫពិការភាពឡើយ   ។ រួមជាមួយគ្នានេះផងដែរ    អន្តេវាសិកដ្ឋាន  ០១ខ្នង  បណ្ណាល័យ០១ខ្នង ទីចាត់ការ០១ខ្នង   ព្រមទាំងសមិទ្ធនានា ជាច្រើនទៀតក្នុងវិទ្យាល័យ  សម្តេចក្រឡាហោម ស ខេង  តាគ្រាម  ដែលជាសមិទ្ធផលដ៏ថ្លៃថ្លារបស់សង្គម    បម្រើឲ្យវិស័យសិក្សាធិការ  នេះសបញ្ជាក់ឲ្យឃើញថាពីការយកចិត្តទុកដាក់របស់រាជរដ្ឋាភិបាលកម្ពុជាក្នុងការអភិវឌ្ឍន៍ធនធានមនុស្សប្រកបដោយគុណភាព ដើម្បីចួលរួមអភិវឌ្ឍន៍សេដ្ឋកិច្ចសង្គមនិងប្រទេសជាតិ ឲ្យមានអភិវឌ្ឍន៍ប្រកប ដោយនិរន្តភាព ។សម្តេចក្រឡាហោម  ស ខេង   បានផ្តល់នូវអនុសាសន៍ណែនាំដល់អជ្ញាធរដែនដីសមត្ថកិច្ចគ្រប់លំដាប់ថ្នាក់ ត្រូវជម្រុញចួលរួមអនុវត្តន៍គោលនយោបាយភូមិឃុំមានសុវត្ថិភាព របស់រាជរដ្ឋាភិបាល  ដែលមានលក្ខណៈសម្បត្តិ  ០៧យ៉ាងសំដៅធ្វើយ៉ាងណាធានាបាននូវសន្តិសុខសណ្តាប់ធ្នាប់សុវត្ថិភាពល្អ និងភាពសុខសាន្តជូន ប្រជាពលរដ្ឋរស់នៅក្នុងមូលដ្ឋានរបស់ខ្លួនផងដែរ៕