ទំពាំងស្នងឫស្សីកាកបាទក្រហមកម្ពុជាខេត្តក្រចេះចំនួន២០០នាក់ ទទួលបំពាក់ឯកសណ្ឋាន

ទំពាំងស្នងឫស្សីកាកបាទក្រហមកម្ពុជាខេត្តក្រចេះចំនួន២០០នាក់ ទទួលបំពាក់ឯកសណ្ឋាន

ខេត្តក្រចេះ ÷ នារសៀល ថ្ងៃព្រហស្បតិ៍ ០៣ រោច ខែអស្សុជ ឆ្នាំខាល ចត្វស័ក ព.ស ២៥៦៦ ត្រូវនឹងថ្ងៃទី១៣ ខែតុលា ឆ្នាំ២០២២ ឯកឧត្តម វ៉ា ថន អភិបាកនៃ គណៈអភិបាលខេត្តក្រចេះ និងជាប្រធានសាខាកាកបាទក្រហមកម្ពុជាខេត្តក្រចេះ បានអញ្ជេីញ ជួបសំណេះសំណាល ជាមួយនិងប្អូនៗ ក្មួយៗសិស្សានុសិស្ស ដែលជាទំពាំងស្នងឬស្សីរបស់កាកបាទ ក្រហមកម្ពុជាខេត្តក្រចេះចំនួន ២០០នាក់ ។ ក្នុងពិធីនេះផងដែរ មានការអញ្ញេីញ ចូលរួមពីគ្រប់អនុសារខានិងសមាជិសមាជិការបស់សាខាកាកបាទក្រហមកម្ពុជាខេត្តក្រចេះសរុបចំនួនជាង ២០០នាក់ ។

ជាមួយគ្នានេះ ឯកឧត្តម វ៉ា ថន អភិបាល នៃគណៈអភិបាលខេត្តក្រចេះ និងជាប្រធានសាខាកាកបាទក្រហមកម្ពុជាខេត្តក្រចេះបានសំណេះសំណាល សួរសុខទុក្ខដល់ប្អូនៗនិងក្មួយៗ ដែលបានលះបង់ពេលវេលានិងកម្លាំងកាយ ស្ម័គ្រចិត្តចូលជួយបំរេី ផ្នែកកាកបាទក្រហមកម្ពុជាខេត្តក្រចេះ នាពេលនេះគឺមានឧត្តមកិត្តិខ្ពស់ក្នុងការរួមចំណែក ជួយដល់សង្គម ដែលកំពុងអភិវឌ្ឍនាពេលបច្ចុប្បន្ន ហេីយស្រមតាមពាក្យស្លោកនិងគោលនយោបាយរបស់រាជរដ្ឋាភិបាល និងប្រធានកាកបាទក្រហមកម្ពុជា ដែលមានសម្តេច កិត្តិព្រឹទ្ធិបណ្ឌិត ប៊ុនរ៉ានី ហ៊ុន សែនជាប្រមុខដឹកនាំដែលប្រសាសន៏ថា « ទីណាមានទុកលំបាក ទីនោះមានកាកបាទក្រហមកម្ពុជាជួយសង្គ្រោះ » ។

ឯកឧត្តម បន្តថា៖ ទន្ទឹមនិងការ ចូលរួមចំណែកក្នុងវិស័យមនុស្សធម៌នេះផងដែរ សូមប្អូនៗ និងក្មួយៗរក្សាឱ្យបាននូវសុខសុវត្ថិភាពសង្គម និងចូលរួមគោរពច្បាប់ចរាចរណ៏ជេីងគោកឱ្យហ្មត់ចត់ត្រឹមត្រូវ ហេីយអនុវត្តន៏ឱ្យបាននូវ វប្បធម៌ សីលធម៌សង្គម និងទំនៀមទម្លាប់ ប្រពៃណីរបស់ខ្មែរយេីង ។ លេីសពីនេះ ឯកឧត្តមបានបន្ថែមថា ៖ សូមប្អូនៗ និងក្មួយៗ ខិតខំសិក្សា រៀនសូត្រ គោរពវិន័យសាលា លោកគ្រូ អ្នកគ្រូ ឱ្យបានល្អ ដេីម្បីក្រេបយកចំណេះដឹង និងបន្តការសិក្សារហូតដល់ថ្នាក់ឧត្តមសិក្សា ប្រកបដោយសុខសុវត្ថិភាព ប្រកបដោយគុណភាពនិងឈានទៅ ចូលរួមបំេរីការងារក្នុងសង្គមដេីម្បីជួយអភិវឌ្ឍន៏ប្រទេសឱ្យមាន រីកចម្រេីនបន្ថែមទៀតនាពេលអនាគត ៕ ដោយ ស៊ាន ចន្ទ័ដា