មណ្ឌលប្រឡងទុតិយភូមិ ឆ្នាំ សិក្សា ២០២២ នេះ មានចំនួន ១២ មណ្ឌល ក្នុងនោះមណ្ឌលមុខវិជ្ជា វិទ្យាសាស្ត្រ ចំនួន៥មណ្ឌល និងមណ្ឌលមុខវិជ្ជា វិទ្យាសាស្រ្តសង្គម ចំនួន៧មណ្ឌល ព្រមទាំងមានបេក្ខភាពប្រឡងចំនួន ៧.១១១នាក់

កំពង់ចាម តាមរបាយការណ៍របស់ប្រធាន មន្ទីរអប់រំ យុវជន និង កីឡា ខេត្តកំពង់ចាម លោក  លី ម៉េងសាន បាន ប្រាប់ ឲ្យ ដឹង នៅ ថ្ងៃទី ០៥ ខែធ្នូ ឆ្នាំ ២០២២ នេះ ថា ដំណើការ នៃ ការប្រឡង ទុតិយភូមិ ឆ្នាំ នេះដែរ មន្ទីរ បាន បែងចែក មណ្ឌល ប្រឡង ចំនួន ១២ មណ្ឌល ដោយ ស្មើនឹង ២៨៧បន្ទប់ ភាគច្រើន មាន ទីតាំង ឋិត នៅក្នុង ទីប្រជុំជន ក្រុង ទាំងអស់ ដើម្បី ងាយស្រួល ក្នុងការ គ្រប់គ្រង ។

សម័យ ប្រឡង ទុតិយភូមិ ឆ្នាំ ២០២២ នេះ ទៀតសោត មាន ថ្នាក់ វិទ្យាសាស្ត្រ ៥ មណ្ឌល ថ្នាក់ វិទ្យាសាស្ត្រ សង្គម ចំនួន ១២ មណ្ឌល ហើយ មាន បេក្ខភាព មាន សិទ្ធ ចូលរួម ប្រឡង សរុប ចំនួន ៧.១១១ នាក់។

ក្នុងឱកាសកាត់ស្រោមវិញ្ញាសាប្រឡងមធ្យមសិក្សាទុតិយភូមិ នៅមណ្ឌលវិទ្យាល័យបឹងកុក ឯកឧត្តម ខ្លូត ចិន្តា អភិបាលរងនៃគណៈអភិបាលខេត្តកំពង់ចាម បានលើកឡើងថា ឆ្នាំនេះ ការប្រឡង មានសភាពហ្មត់ចត់ និងមានដំណើរការប្រកបដោយប្រសិទ្ធភាព។ឯកឧត្តម មានរំពឹងថាទទួលបានគុណភាពល្អប្រសើរ ព្រោះដោយសារមានការចូលរួមពីគ្រប់អង្គភាព មានសមត្ថកិច្ចពាក់ព័ន្ធ រួមនឹងសមាគម និងអង្គការសង្គមស៊ីវិលជាអ្នកសង្កេតការណ៍ ព្រមទាំងមានចំណាត់ការយ៉ាងម៉ឺងម៉ាត់ពីសំណាក់ឯកឧត្តមអភិបាលខេត្តដែលជាប្រធានគណៈបញ្ជាការឯកភាពខេត្ត។ ឯកឧត្តម សូមរំលឹកថា ការប្រឡងបាក់ឌុប ឆ្នាំ២០២២នេះ ចាប់ផ្ដើមដំណើរការសម័យប្រឡង រយៈពេល ២ថ្ងៃ ចាប់ពីថ្ងៃទី៥-៦ ខែធ្នូ ឆ្នាំ២០២២នហេតុនេះសូម បេក្ខជន និងបេក្ខនារី ទាំងអស់សូមបញ្ចេញអោយអស់ពីសមត្ថភាពរបស់ខ្លួនក្នុងការប្រលងនេះ “អ្នកចេះគឺជាប់” ដើម្បីធ្វើជាសរសទ្រូងនៃប្រទេសជាតិ៕ Alza កំពង់ចាម