ទីបំផុត សម្ដេចតេជោ ហ៊ុន សែន បញ្ជាឱ្យវាយរបងដែលសង់លយចូលឆ្នេរ អូរឈើទាលចោលហើយ
សម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានណែនាំឱ្យរដ្ឋបាលខេត្តព្រះសីហនុធ្វើការសម្របសម្រួលវាយ និងធ្វើការរុះរើរបងដែលសង់លយចូលឆ្នេរអូរឈើទាលចេញ នេះបើយោងតាមការចេញផ្សាយរបស់កម្ពុជាថី្ម។
លោក ឡុង ឌីម៉ង់ អភិបាលរងខេត្តព្រះសីហនុប្រាប់ក្រុមអ្នកសារព័ត៌មានថា «ពីល្ងាចម៉ិញ យើងបានទទួលប្រសាសន៍ណែនាំពីសម្ដេចតេជោ ហ៊ុន សែន នាយករដ្ឋមន្ត្រី ឱ្យរដ្ឋបាលខេត្តព្រះសីហនុធ្វើការសម្របសម្រួល និងជូនដំណឹងដល់ម្ចាស់កម្មសិទ្ធិករដីដែលមានប័ណ្ណកម្មសិទ្ធិនៅឆ្នេរអូឈើទាល ឱ្យធ្វើការរុះរើកែលម្អរបងនៅប៉ែកខាងសមុទ្រមួយចេញ»។
គួរបញ្ជាក់ថា រដ្ឋបាលខេត្តបានធ្វើការកាយ និងរុះរបងនៅប៉ែកខាងសមុទ្រចេញមួយអន្លើសិន ហើយចំពោះការសម្របសម្រួលយ៉ាងណាបន្តទៀត រង់ចាំនៅពេលក្រោយ៕
